Li gelek deverên Bakur û Rojhilatê Sûriyê li dijî êrişên dewleta Tirk ên li ser herêmê û komkujiya li Zaxoyê ku pêk anîn çalakî hatin lidarxistin û daxuyanî hatin dayîn. Êrişên dewleta Tirk hatin şermezarkirin û li dijî êriş û dagirkeriyê banga yekîtî û hevgirtinê hate kirin.
Îro jî li dijî êrişên dewleta Tirk yên li ser herêmê û komkujiya li Zaxoyê çalakî hebûn.
Rêveberiya Xweser a herêma Efrînê li Kampa Berxwedan daxuyaniyek da.
Rêveberiya Xweser a Efrînê piştgirî da daxuyaniya partî û hêzên siyasî ya girtina qada ezmanî li hember êrişan û got: “Dewleta Tirk a dagirker peymanên agirbesta 2019’an bin pê dike û êrişên xwe yên li ser herêmê dewam dike.
Mamosteyên Amûdê: Divê gelê me bi yek rihî li dijî êrişan bisekine
Mamosteyên navçeya Amûdê jî bi daxuyaniyekê gef û êrişên dewleta Tirk şermezar kir.
Mamosteyan diyar kir ku 10 sal di ser şoreşa 19’ê Tîrmehê re derbas bûn û got:
“Şoreşa ku bi xwe re gelek destkeftî anî li xweşiya dewleta Tirk nayên ji lewra êrişî herêmê dike.
Mamosteyan bang li gelê herêmê kir ku bi yek rihî li dijî êrişan bisekinin
Yekîtiya Jinên Êzidî: Bila qada ezmanî li hember êrişan were girtin
Yekîtiya Jinên Êzidî jî li Helebê daxuyanî da.
Yekîtiyê piştgiriya xwe ya bi 33 partiyên herêmê re ragihand û got: “Em jî beşdarî banga partî û hêzên siyasî dibin ku qedexeya ezmanî li hember êrişên Tirkiyê bê ferzkirin.
Her wiha bang li civaka navdewletî hate kirin ku li hember êrişeke nû li ser herêmê xwedî helwest bin.
Dîsa li Helebê daxuyanî ji aliyê Meclisa Malbatên Şehîdan ve hate dayîn û êriş hatin şermezarkirin.
Meclisê da zanîn ku êrişa li ser Zaxoyê nîşan da ku dewleta Tirk ferqê naxe navbera tu kesî û komkujiyan pêk tîne.
Li Kobanê û Qamişlo komkujiya Zaxo û êrişa li ser Kobanê hatin şermezarkirin
Li aliyekî din jî bi armanca şermezarkirina komkujiya ku duh li Zaxoyê pêk hat û êrişa li ser Kobanê ya bi balafira bêmirov li Kobanê ji aliyê Kongra Star, PYD’ê, TEV-DEM û Meclisa Malbatên Şehîdan ve daxuyanî hat dayîn.
Di daxuyaniyê de hate gotin: “Armanc ji van êrişan têkbirin û tunekirina destketiyên şoreşê 19’ê Tîrmehê ye.”
Meclisa Malbatên Şehîdan û PYD’ê jî bi daxuyaniyek hevbeş li Qamişlo êrişên hovane yên dewleta Tirk hatin şermezarkirin.
Di daxuyaniyê de bang li hêzên navdewletî hate kirin ku êdî sînorekê ji êrişên dewleta Tirk re deynin.
Yekîtiya Ciwanên Şoreşger li Minbicê daxuyanî li dijî êrişan da
Li aliyekî din li Minbicê li ser navê Tevgera Ciwanê Şoreşger daxuyaniyek hate dayîn.
Hate gotin ev êrişa li ser Zaxo û Kobanê bipêkirina hemû zagonên mirovî û navnetewî ye.
Li Dirbêsiyê jî daxuyanî hate dayîn û komkujiya li Zaxoyê pêk hatî û êrişên ser herêmê hatin şermezarkirin.
Eşîrên Kurd û Ereb: Bila ny sînorekê ji êrişan re deyne
Eşîrên Ereb û Kurd ên li Tirbespiyê jî bi heman armancê daxuyanî dan û komkujiya dewleta Tirk a dagirker a li Zaxoyê şermezar kirin.
Eşîrên Kurd û Ereb bang li NY’yê kir ku demildest destwerdanê bike û sînorekî ji binpêkirinên dewleta Tirk ku li Sûriyê û Iraqê ku sivîlan dike armanc,re deyne.
Li Til Koçer, Şedadê, Hol û Til Birakê êriş hatin şermezarkirin
Her wiha li Til Koçer, Şedadê, Hol û Til Birakê jî bi daxuyaniyan komkujiya li Zaxoyê û êrişa li ser Kobanê hate şermezarkirin.
Di daxuyaniyan de bang hate kirin ku rê li hember van êrişan were girtin û wiha hate gotin:
“Divê tevahî hêzên demokratîk û azad li dijî van êrişan helwestên xwe nîşan bidin.”
