Li paytexta Îtalya Romayê ji bo azadiya Rêber Apo ji aliyê saziyên Kurdistanî û Îtalyayî ve konserek mezin hate lidarxistin.
Di konserê de banga azadiya Rêber Apo hate kirin
Bi şîara “Dema Hêvî û Ji Abdullah Ocalan re Azadî” li paytexta Îtalya Romayê konserek hate dayin.
Bi dehan hunermendên navdar ên li Romayê tên naskirin û bi hezaran kes tev li konserê bûn.
Axaftina destpêkê ya konserê ji aliyê serokê şaredariya herêma heştemîn a Romayê Amedeo Ciaccheri ve hat kirin.
Amedeo têkoşîna gelê Kurd silav kir û banga azadiya Rêber Apo kir.
Di şevê de lîstikvana navdar Anna Favella jî derket ser dikê û beşên ji parastina Rêber Apo xwend.
Favella taybetî bal kişande ser nirxandinên Rêber Apo yên di derbarê têkoşîna jinan de.
Her wiha lîstikvanê navdar ê xelata Oscarê wergirtî Elio Germano jî li ser Rêber Apo û têkoşîna azadiya Kurd nivîs xwend.
Piştî axaftinan komên mûzîkê û hunermendên navdar derketin ser dîkê.
Di dawiyê de beşdarên konserê xwestin Rêber Apo tavilê bê berdan.
