Partiya Yekitiya Demokratîk (PYD)…Îro salvegera 19’emîn damezrandina Partiya Yekîtiya Demokrat-PYD’ê ye.PYD ku di şoreşa rojava re pêşengtî kir di 19 salan de li Rojava û Bakur û Rojhilatê Sûrî mohra xwe danî ser gelek destkeftiyan.Ji bo mîsogerkirina destkeftiyên şoreşê bi rêya bırêxistinkirina civakê li ser esasê şerê gel ê şoreşgerî, armancên pêşîn ên PYDʹê ne.
Di nav 19 salan de têkoşînek siyasî di qada Rojavayê Kurdistan û sûrî de li pey xwe hişt.
Bi vê yekê piştgiriya mezin a civaka Kurdistan, Sûriyê û rojava qezenc kir.
Em qala Partiya Yekîtiya Demokrat-PYD’ê dikin…
Partiya ku bi avabûna xwe re, ramanên rewşenbîrî û ronakbîrî li ser astên civakbûyîn, çandî û hişmendî anîn.
PYD’ê 20 Îlona 2003’yan hat avakirin ..
19’e salin bê navber xebatên xwe yên siyasî û rêxistinî dimeşîne.
Beriya PYD’ê, propagandaya îdyolojiya dûrî çanda Kurdî û Sûrî dihat kirin
Di dema ku tevahî partî û rêxistinên heyî, propagandaya îdyolojî û rêgezên dûrî çanda gelê Kurd û yê Sûrî dikirin de, PYD ava bû.
Piştî nirxnadina rewşa li ser erdê, komek rewşenbîr û xebatkaran dîtin ku divê rewş were sererastkirin, û ji bo vê jî PYD ava kirin.
Avabûna PYD di demekê de hat ku herêm derbasî qonaxeke nû dibû.
Di wê qonaxê de gelek pêşketinên li ser asta herêmî û navdewletî rû didan.
Dema ava bû, PYD rêbaza şoreşgerî stand
Di wê qonaxê de meşandina rêbazekî şoreşgerî pir girîng bû.
Ji despêka derketina wê, û li gel propagandayên reşkirinê li dijî wê, PYD rastî astengiyên giran û mezin hat.
Rêjîma Bais bi hovîtî bi ser de çû, partiyên heyî jî pêngavên reşkirinê li dijî wê meşandin
Rêjîma Baas bi hemû hovîtiya xwe bi ser endamên partiyên de çû, hebûna Kurd qebûl nedikir..
Zindan bi xebatkaran tije kirin.
Hêjmarek pêşeng û rêveberên wê bi destê hêzên cûda hatin şehîd xistin.
Şîlan Kobanî û hevalên wê, Osman Dadalî, Ehmed Hisên (Bavê Cûdî), Îsa Hiso û Xalid Gotî ji cangoriyên vê dozê û rêxistinê ne.
2011’an û bi despêkirina aloziya Sûrî re, tevlî TEV-DEM’ê bû û li ser bingeha Netewa Demokrat, xeta sêyemîn hilbijartin.
PYD ji bo demokratîkirina Sûrî û Rojhilata Navîn xeta 3. hilbijart
Xeta ku ewlehiya gelan diparêze û pêkanîna hevjiyaneke aştiyane navbera hemû pêkhateyan de .
Ji bo yekîtiya netewî ya civaka Kurdistanê, hertim PYD xwediyê serpereştiyan bû û beşdarî hemû xebatên yekrêziya Kurdî bû.
Yekem partî ku sîstema hevserokatiyê ji xwe re kir bingeh
Ji bo parastin û pêşxistina deskeftiyên jinê, hertim dixebite.
PYD yekemîn partî di Sûriyê de ye ku pergla hevserokatiyê ku fikrê Rêber Ocalan bû ji xwe re esas girt.
Ev pergal îro bala gelek welatan dikişîne û ji cîhanê re, taybet jî jinan re bûye hêvî.
Niha Rêveberiya Xweser a Bakur û Rojhilatê Sûriyê bi sîstemê tê birêvebirin..
Her wiha ev sîstem rê li ber wekheviya zayendî vekir ku di civaka me de xuya dibe. “
