Li hember seferberiya qismî ya Serokê Rûsyayê Pûtîn ji cîhanê bertek hene.
Amerîkayê got:
“Referandûmên sexte, biryara seferberiyê nîşaneya qelsî û têkçûna Rûsyayê ye.”
Di demekî ku ji Brîtanya, Almanya û Çekya bertek derketin de, Çînê bagan diyalogê li aliyan kir.
Li hember seferberiya qismî ya Serokê Rûsyayê Vladimir Putin ji cîhanê re bertek hene.
Şêwirmenda Cîgira Wezîra Derve ya Brîtanya Gillian Keegan, ji Sky News re got;
Ev biryar metirsîdar e û gavek zêde ye.
Keegan diyar kir ku divê gefên Putin cidî bên girtin.
Keegan di hevpeyivînek din a BBC de got:
“Ew gefeke cidî ye û berê jî hatiye kirin.”
Amerîka: Em ê ticarî îdiayên Rûsya nas nekin
Li hemberî biryarê ji aliyê Dewletên Yekbûyî yên Amerîkayê (DYA) ve jî bertek hat.
Balyoza Amerîkayê ya li Kîevê Bridget Brink li ser Twitterê got,
“Referandûma sexte, biryara seferberiyê nîşana lawazbûn û têkçûna Rûsyayê ye.
Amerîka tu carî îdiaya (serweriya) Rûsyayê ya li ser axa Ukraynayê ya ku hatiye dagirkirin nas nake.
Çiqasî dem derbas bibe jî mm ê li cem Ukrayniyan bisekinin.”
Wezîrê Aboriyê yê Almanyayê Robert Habeck jî biryara seferberiyê wekî zêdebûna aloziyê şîrove kir.
Çînê banga diyalogê li aliyan kir
Wezareta Derve ya Çînê li ser gefa Putin ya şerê nukleerî got:
“Çîn daxwazê ji hemû aliyan dike ku diyalogê bikin û rêyekê ji bo çareserkirina pirsgirêkên ewlehiyê bibînin.”
Ji Ukraynayê jî bertek nîşanî biryarê da.
Ukrayna: Ev biryara Putin têkçûna wê nîşan dide
Şêwirmendê taybet ê serokê Ukraynayê, Mikhail Podolyak got:
“Gavekek bi tevahî pêşbînîkirî ye, ew bêtir wekî hewldanek ji bo rewakirina têkçûnên xwe xuya dike.
Şer weke ku Rûsya dixwest pêşde naçe, ji ber vê yekê Putin biryarên ku civak piştgirî nade wan dike.”
Çekya: Divê alîkariya bo Ukrayna dewam bike
Serokwezîrê Çekyayê Petr Fiala jî ev biryar wekî “delîlên êrîşkariya Rûsyayê” nirxand û diyar kir ku divê alîkariya ji bo Ukraynayê dewam bike.
Ev biryara Putin piştî Şerê Cîhanê yê Duyemîn li Rûsyayê yekemîn biryara seferberiyê ye.
