Sekreterê NATO Stoltenberg got: Gava Putin ya girêdana 4 herêmên Ukrayna bi xaka xweve, pêşdeçûna hêzên Kîevê nîşan dide.
Brîtanya jî li dijî Rûsya di warê deryayî de gavên nû di avêje.
Di meha 8’an a şerê li Ukrayna de, serketiyên wê hîna jî xuya nakin.
Rûsya bi girêdana 4 herêmên Ukrayna bi xaka welat ve hewil dide serketina xwe nîşan bide.
Lê rastiya li ser rûyê erdê, ji xewnên Moskow pir ture.
Ji NATO bo piştevaniya bo Kîevê
Hemwextî vê yekê, welatên endamên NATO dengên xwe yên piştevaniya bo Kîevê bilindtir dikin.
Sekreterê Giştî yê NATOyê Jens Stoltenberg doh di hevpeyvîneke ligel kanala televizyonê NBC de got;
Girêdana 4 herêmên Ukrayna li ser xaka Rûsya ku ji aliyê Serokê Rûsya Vladimir Putin ve pêk hatî, nîşaneya pêşketina hêzên Ukrayna li welat nîşan dide.
Stoltenberg diyar kir ku ji bo têkoşîna li dijî biryara parçekirinê ya Rûsyayê rêya herî baş ew e ku piştgiriyê bidin rêveberiya Kîevê û ev tişt anî ziman:
“Me dît ku hêzên Ukrayna bajarekê Lyman careke din kontrol kirin.
Ev yek wêrekî û jêhatîbûna hêzên wan nîşan dide.
Helbet ev yek bi piştgiriya çekan a Amerîka û hevalbendan pêk hat.”
Stoltenberg gotinên Putin ya bo çekên nukleerî jî weke “xeterîdar û bêhişan e” binav kir.
Ji bo endamtiya NATO jî Sekreterê Giştî yê NATO anî ziman ku ev yek tenê bi girtina biryara tevahî welatên endam pêkan dibe.
Teqîna di boriya gaza xwezayî ya Nord Stream ya li Derya Baltîk jî di rojeva Stoltenberg de bû.
Diyar kir ku ji bo zelalbûna rewşê pêwistî bi lêkolînekê heye.
Îngilistan ji bo parastina binavê tevdîran xurt dike
Bûyera di xeta Gazê ya Nord Stream de, hişt ku welatên Rojavayî ji binê avê bitirsin.
Têkildarî vê yekê jî Wezîrê Parastinê yê Birîtanyayê Ben Wallace eşkere kir ku wê Birîtaniya du keşteyên ji bo parastina binsesaziyê di bin avê de, bi dest bixîne.
Di axaftina xwe ya li Kongreya Partiya Muhafezkaran de, Wezîrê Parastinê diyar kir ku “Gefa li dijî binesaziya Birîtanyayê ji Rûsyayê tê” û got:
Tişta rûdayî divê bîne bîra me ku çiqasî aborî û binesaziya me li hemberî êrişên wiha lawaz in.
Rûsya hêza xwe ya armanckirina binesaziyê venaşêre..
