Gerîlayê HPG’ê Dr. Serbilind Dersim dibêje bi gelek belge hene ku dewleta Tirk çekên Kîmyewî li dijî gerîla bi kar tîne û ji wan jî ku hevalên me pê şehîd ketin gaza fetsîner a bi navê klorê ye. Serbilind Dersim diyar kir ku dewleta Tirk ji ber ku li di şerê li dijî gerîla de têk çûye çekên Kîmyewî bi kar tîne.
Gerîlayê HPG’ê Dr. Serbilind Dersim li ser çekên Kîmyewî û cûreyên wê yên ku Tirkiyê li dijî gerîla bi kar tîne ji ANF’ê re axivî.
Dr. Serbilind Dersim bikaranîna dewleta Tirk ji çekên Kîmyewî re weke nîşaneya têkçûyîna wî bi nav kir û ev tişt anî ziman:
2 salin gerîlayên azadiyê li hember çekên Kîmyreî li ber xwe dide, Tirkiyê li pêşberî gerîla têk çûye ji ber wê jî van çekan bi kar tîne.
Artêşa Tirk peymanên navneteweyî, nirxên mirovahiyê binpê dike û li hemberî hevalên me çekên kîmyewî bi kar tîne.
Dr. Serbilind Dersim behsa cureyên çekên Kîmyewî yên ku dewleta Tirk a dagirker li dijî gerîla bi kar tîne jî kir û wiha dewam kir:
Serbilind Dersim: Gaza klorê û narkotîk hatin bikaranîn
Artêşa Tirk bi rengekî eşkere li qada şer piranî gazên fetsîner bi kar tîne. Ji van a herî diyarker jî gaza klorê ye.
Ev gaz çav û qirikê dişewitîne û mirovan dikuje.
Gaza ku bandor li ser hevalê me şehîd Baz Mordem kir jî ev gaz bû. Zerara ku li cegera wî kiribû nîşan dide ku gazek fetsîner e.
Ji ber ku ji devê hevalê me avek bi rengê sor, pembe û qehweyî dihat. Eşkere bû ku ev av ne ji ber verişînê bû, ji ceger bi xwe hatibû.
Cureyeke din a van çekan ku hatibû bikaranîna gaza narkotîkê bû û ev yek li ser hevala me Ş. Helbest Koçerîn hatibû bikaranîn.
Weke li ser hevala me jî xuya kir, ev gaz mirov ji ser hişê xwe diçe û wilo li mirovan dike ku êrdî nikarîbe şer bike.
Dr. Serbilind Dersim bang li saziyên serbixwe û rêxistinên navneteweyî kir ku bên li qadên ku ev çek lê tên bikaranîn û lêkolînê bikin.
