Koordînasyona KJAR’ê bi daxuyaniyekê projeya ji bo parastina şoreşa jinê li Îran û Rojhilat eşkere kir. KJAR’ê da zanîn ku pirojeya wan ya çareseriya neteweya demokratîk, ji bo rêxistinbûna jinan li hemû gund, tax, navçe, bajar, dibistan û zaningeh e û got:” Dem dema parastina şoreşa jinê ye”.
Koordînasyona KJAR têkildarî serhildanên li Îran û Rojhilat ku bi dirûşma ‘Jin, Jiyan, Azadî’ destpê kir daxuyaniyek da.
KJAR’ê di daxuyaniyê de ji bo parastina şoreşa jinê li Îranê projeya xwe eşker kir û got:
Em 25’ê Mijaderê bi felsefeya ‘Jin, Jiyan, Azadî’ ve ku gerdûnî bûye, pêşwazî dikin.
Di sedsala 21’an de, em ê bi şoreşa jinê, jiyana azad ava bikin.
Ya ku li Îran û Rojhilatê Kurdistanê civak kir yek, sekin û berxwedaniya jinê bû.
KJAR: Pirojeya me ji bo hemû cîhanê rêxistinbûna jinan e
KJAR’ê da zanîn ku pirojeya wan ya çareseriya neteweya demokratîk, ji bo rêxistinbûna jinan li hemû gund, tax, navçe, bajar, dibistan û zaningeh e û wiha anî ziman:
Li ser vê bingehê, KJAR, piroje û pêşniyara xwe ya ji bo bi rêvebirin û parastina şoreşa jinê, di van xalan de pêşkêşî jin, ciwan û tevahî civakê kir.
1- Azadiya Zeyneb Celaliyan û azadiya hemû girtiyên siyasî wê esasê tekoşîna me be.
2- Li hember pergala parçeger û kujer pêwîste tevahî netew û mozayîkên çandî ya di Îranê de tifaqên demokratîk ava bikin.
3- Bi zanebûna û parastina cewherî jin û gel dikarin seknê xwe yê serhildanan mayînde bikin.
4- Di bin navê komîteya dadê de, bi beşdarbûna aktîf a jinan ve civak dikare parezêrin pergalê xwe ya dadê ava bike û pergalê dadê ya rejîmê red bike.
5- Tevahî hunermend, werzîşvan, mamoste, karker, pizîşk û aktîvîstên ekolojî, di vê serdemê şoreşê de pêwîste encumen û komîteyên xwe ava bikin.
6- Her mal, kolan û tax weke dibistan û akademiyek xwe birêxistin bikin.
7- Jinên Rojhhilatê Kurdistan û Îranê li her derê bi xwe rêxistinkirinê dikarin azadiya xwe pêkan bikin.
8- Di vê serdemê de her malbat pêwîste ji bo xurtkirina tevahî komîteyan rolakî sereke bilîze.
9- Gelê Îran pêwîste di xweseriya ol, bawerî û çand de komîteyên xwe ava bikin.
10- Komîta piştgiriya civaka şoreşgerî jî were ava kirin.
Koordînasyona KJAR’ê di dawiyê de diyar kir ku dem dema parastina şoreşa jinê ye.
