Rûsya piştî artêşa xwe ji Xersonê vekişand û bendên nû yên parastinê ava kir careke din dest bi êrişên xwe kiriye.
Artêşa Moskow bi dehan moşek li nava bajarên Ukrayna xist.
Serokomarê Ukrayna Zenensky got,
Piştî êrişên Rûsya 10 mîlyon kes bê elektirîk maye.
Tarîtiya şer bi xwere aniyî, Ukrayna pêça ye.
Bi hatina demsala zivistanê re, Rûsya êrişên li dijî santralên enerjiyê zêde kiriye.
Di demekî li rojhilatê welat şerên dijwar pêk tên de, tevî paytext Kîevê, bajarên din yên Ukrayna di armanca êrişên Moskow de ne.
Ji bin kavilan laşên sarbûyî tên derxistin.
Zelensky: 10 Mîlyon kes bê elektirîk maye
Serokomarê Ukraynayê Volodymyr Zelensky ragihand ku piştî êrîşên dawî yên Rûsyayê, nêzîkî 10 milyon kes li bê elektrîk mane.
Zelensky li ser rewşa dawîn bi peyameke vîdyoyî xîtabî welatiyên xwe kir û got:
Rayedarên hin herêman bi darê zorê elektrîkê qut kirine.
Di vê navberê de, dema ku berfa yekem a mehên zivistanê li paytext Kîevê barî, rayedaran diyar kirin ku xebatên ji bo sererastkirina tora elektrîkê ya welêt, ku ji ber êrîşên Rûsyayê wêran bûbû dewamin.
Ji NY bo Rûsya hişyarî
Neteweyên Yekbûyî jî li ser armanckirina Rûsya ji torên elektirîkê yên li welat re daxuyaniyek da.
NY: Armanckirina santralên enerjiyê wê bibe sedema krîzek mirovî
NY hişyariya wê yekê da ku ev yek bi rasthatina demsala zivistanê re wê bibe sedema krîzeke mirovî.
Di daxuyaniya ku ji aliyê artêşa Ukraynayê ve hat dayîn de hat ragihandin ku leşkerên Rûsyayê li dijî tesîsên binesaziyê yên welêt bi moşek û topan didomîne.
Hat destnîşankirin ku binesaziya enerjiyê ya welêt her tim di bin êrîşên moşek û balafirên bêmirov ên Rûsyayê da ye.
Bajarên Bakur û Başûrê Ukrayna bûn armanca êrişên Rûsya
Ev yek tevî paytext Kiev ji bakur Dnipro heta Odessa ya başûr pêk tên.
Artêşa Ukrayna diyar kir ku şereke dijwar li herêma Donetsk ya li rojhilatê welat pêk tê.
Di vê navberê de Rûsya jî hêzek piştevan ji bo leşkerên ji bajarê Xersonê vekişiyan şand.
Artêşa Ukraynayê gundê Balakliya li herêma Xarkovê ku di meha Îlonê de ji nûve bi dest xistibû, topbaran kir.
Di daxuyaniyê de hat ragihandin, di nava 24 saetên dawî de 2 moşekên Kruz, 5 moşekên hewayî û 5 balafirên bêmirov ên modela “Şahed-136” a Îranê hatine têkbirin.
Ji aliyê din ve Enerjiya Atomê ya Navdewletî daxwaz ji Rûsyayê kir ku demildest dest ji kiryarên xwe yên li dijî santralên atomî yên Ukraynayê berde.
