Tevgera Ciwanên Şoreşger a Sûriyê li Reqayê daketin qadan û êrişên dewleta Tirk a dagirker ên li ser herêmê şermezar kirin.
Endamên Tevgera Ciwanên Şoreşger a Sûriyê, Yekitiya Jinên Ciwan û şêniyên Reqayê beşdarî meşê bûn.
Meş ji çerxerêya kolana 23`yê Sibatê dest pê kir û li çerxereya El Neîm veguherî mîtingê.
Xwepêşandêran Hêzên Sûriya Demokratîk (QSD) silav kir û dagirkeriya Tirk û topbarana wê şermezar kirin.
Di mitingê de hevserokê Tevgera Ciwanên Şoreşger a Sûriyê li Reqayê, Ela El Xelef axivî û got:
“Em amade ne li gorî rêgeza şerê gel ê şoreşgerî li ber xwe bidin.
Divê em li hember van êrişan amade bin û gelê xwe ji xeteriyan biparêzin.”
