Ronahî Serhed: Pergala ku azadiya jinê tê de tune be, mayînde nabe

Endama Koordinasyona PAJK’ê Ronahî Serhed diyar kir ku Pergala ku azadiya jinê tê de tune be, mayîne nabe û got:” Pradîgma Rêber APO ji bo tevgera me û jinê şoreşeke mezin bû”.

Endama Koordinasyona PAJK’ê Ronahî Serhed tevlî bernameya Xwebûn a Jin TV bû û behsa Paradîgmaya Civaka Ekolojîk a Demokratîk kir.

Ronahî Serhed diyar kir ku beriya Rêber Apo gelek akademîsyen ji bo çareseriya krîza şaristaniyê lêkolîn kirin û tez ligorî xwe amade kirin û got: Lê belê, ev tezên amadekirî bi gelemperî teorîk man. Gelek ji wan jî analîzên nebaş bûn.

Ji bo çareseriya kaos û krîza heyî Rêber Apo lêgerîna xwe berdewam kir.

Pêk hatina paradîgmaya nû bi krîza şaristaniyê ve girêdayî ye.

Endama Koordîînasyona PAJK’ê anî zîman ku dibe ku îro şaristaniya kapîtalîst xwe pêşxistibe. Lê ev nayê wê wateyê ku her kesê li cîhanê dijî kapîtalîst e û wiha bi lêv kir:

Civak bi rengê xwe li dijî pergala kapîtalîst di rewşa berxwedanê de ye. Belê, qetlîamek heye. Lê ev nayê wê maneyê ku; hemû civak hatin hilweşandin û civakbûn ji holê hat rakirin.

Ger rewşek wiha bihata pirsyarkirin, îro behsa hebûna kesî nedihate kirin. Lê ev rastiyek e ku di nava krîzeke civakî ya pir giran de dijî.

Ronahî Serhed: Pradîgmaya Rêber Apo ji bo tevgera me û jinê şoreşeke mezin bû

Ronahî Serhed bibîr xist û got; ” Hilweşandin û hewldana guhertina wan ne tiştekî hêsan e. Redkirina tiştekî nayê wê wateyê ku we tiştê ku we qebûl kiriye bi tevahî pêk aniye.

Dema ku Rêbertiya me paradîgmaya xwe ya nû pêşkêş kir, li gorî rastiya sedsala 21’ê ji bo me bi taybetî ji bo tevgera me ya jinê şoreşek mezin bû.

Paradîgma ji bo serdema borî, roja îro û paşeroja me perspektîfek eşkere dikir.

Ji ber vê yekê di dîrokê de derketiye holê ku yên çareseriya pirsgirêkan di çarçoveya feraseta netew-dewletê de weke guhertina desthilatdariyê dibînin, şaş in.”

Endama Koordinasyona PAJK’ê Ronahî Serhed di dawiyê de got; ”Ji bo rawestandina şer, pêşxistina aştî, demokrasî, edalet û wekhevî, kêmkirina şovenîzmê û ji holê rakirina zayendperestiyê, ji hiqûqê zêdetir pêwîstî bi peymaneke civakî heye.Di vî warî de rola her kesî girîng e.

Divê her kes li hemberî azadiya jinê, jiyana ekolojîk û mafên demokratîk hestiyar be û ji bo misogerkirina van têbikoşe.”

Back to top button