Berdevka Meclisa Jinan a HDP’ê Ayşe Acar Başaran têkoşîna jinan li hemberî zext, êriş û tundiyê di sala 2022’an de bi ‘saleke ku têkoşîn tê de kêliyek jî ranewestiya’ bi nav kir û got:” Sala 2023’an jî wê bibe sala ku jin bi ser bikevin”.
Berdevka Meclisa Jinan a HDP’ê Ayşe Acar Başaran têkildarî mijarên di rojevê de li Buroya Têkiliyan a Navenda Giştî ya DBP’ê a Amedê daxuyanî da.
Ayşe Acar Başaran sala 2022’an weke ‘saleke ku têkoşîn tê de kêliyek jî ranewestiya’ bi nav kir û got:
Li gelek deverên cîhanê pevçûn û şer hene û hewl tê dayîn zilma li ser bindestan bê kûr kirin.
Ayşe anî ziman yek ji geşedanên herî girîng ên sala 2022’an berxwedana ku bi pêşengiya jinên Kurd li Rojhilat û Îranê dest pê kir bû û wiha bi lêv kir:
Dirûşma Jin Jiyan azadi li cîhanê belav bû.
Dîsa li Efganîstanê jî jinan li dijî Talîban li berxwe dan.
Di şexsê jinên li Rojhilata Navîn dirûşma Jin jiyan azadî berz kirin de jinan li Rojava jiyaneke nû honandin.
Em di wê baweriyê de ne ku wê îtirazên me û raperîna me saleke nû ava bike.
Ayşe Acar Başaran: îsal jin ligel hemû êrişan gav paşve navêtin
Ayşe Acar Başaran destnîşan kir ku AKP-MHP di nav salê de her kêli jinan kiriye hedef û wiha anî ziman:
Di sala 2022’an de 310 jin hatine kuştin.
Lê belê jin ligel hemû êrişan jî ji qadan gav paşve neavêtin.
Îktîdarê îsal jî dît ku jinan serî netewand. Dîtin ku jin dê tu carî gav paşve navêjin.
Ayşe Acar Başaran: Wê sala 2023’an bibe sala serkeftina jinan
Her wiha Ayşe diyar kir ku di bingeha van pevajoyan de polîtîkayên tecrîdê heye û got: Bi mehan e ji Rêber Ocalan agahî nayê girtin.
Polîtîkayên tecrîdê bi xwe re şer, xizanî û cudakariya civakê tîne.
Di vê sedsalê de jin, kurd û hemû gelan li dijî dest-qirker têş û armanc bikin ku jiyaneke nû biafirînin.
Sala 2022’an salek bi têkoşîn bû dê sala 2023’an jî bibe sala serkeftina jinan.
