Êrişa Rûsya ya li Ukrayna di meha xwe ya 12’an de ye.
Di demekî şer ber bi temambûna salê ve diçe, Ukrayna ji êrişeke berfireh a Rûsya bitirse.
Wezîrê Parastinê yê Ukrayna Reznikov got:
Di nava rojên pêş de, em li benda êrişeke dijwar in.
Di vê navberê de, leşkerên Ukrayna dest bi perwerdeya tankên Leopard yên Almanya kirin.
Di hema 12’an de, asta êrişa Rûsya li ser Ukrayna qet kêm nebû.
Ne demsala zivistanê, ne jî piştevaniyên rojava bo Kîevê karî êrişa Moskow bide rawestandin.
Wezîrê Parastinê yê Ukrayna Oleksiy Reznikov beriya ji erk were girtin li ser rewşa dawî civîneke çapemeniyê lidar xist.
Reznikov diyar kir ku heta çekên bo piştevaniya wan ji welatên Rojavayî digihêjin dest, çekên di depoyan de têrê dikin ku hêzên Rûsya bidin rawestandin.
Serokê Ukraynayê Volodymyr Zelensky anî ziman ku hêzên Ukraynayê li rojhilatê Bahmut, Vuhledar û Liman şerekî giran kirine.
Reznikov beriya ku erkê wî yê Wezareta Parastinê bidawî bibe bi saetan ev daxuynî da.
Siyasetmedarekî ji partiya Zelensky diyar kir ku li şûna Reznikov wê Serokê Îstîxbarata Leşkerî Kirilo Budonov were wezîfedarkirin.
Piştî sûcdariyên bertîlxwarinê yên li dijî Reznikov ew ji kar hate girtin.
Reznikov ji bo Wezareta Pîşesaziya Stratejîk hate tayîn kirin.
Zelensky di çarçoveya hewlên xwe yên dijî bertîlxwarinê de hejmarek ji rêveberên payebilind ji kar dûrxistibû.
Reznikov teqez kir ku Rûsya heta niha derfetên wê tuneye ku êrişeke berfireh bike, lê ji bo 24’ê Sibatê ku weke sembolîk dikare êrişekê bike.
Wezîrê Parastinê diyar kir ku leşkerên Ukrayna îro dest bi perwerdeya tankên Leopard yên Almanya çêdike kirin.
Reznikov diyar kir ku welatê wî mûşekên nû bi menzîla 150 kîlometran wergirtine, lê ew mûşekên nû li dijî axa Rûsyayê nayên bikaranîn.
Tevî herikîna çekên rojavayî bo Ukraynayê, Rûsyayê di van rojên dawî de li derdora Bahmut destkeftî bi dest xist û hêzên zêdetir şandin herêmê.
Hate diyarkirin ku di şerê li herêmê de şîrketa çekdarên Wagner roleke mezin lîstiye.
Wagner: Hêzên Ukrayna heta leşkerê dawî şer dike
Damezrênerê Wagner, Yevgeni Priozhin got;
Li deverên bajêr ji bo her kolanekê şerekî giran diqewime û hêzên Ukraynayê “heta kesê dawî” şer dikin.
Hêzên Rûsyayê bi mehan e hewl didin Bahmut bi dest bixin.
Ev herêm ji bo kontrolkirina tevahî herêma Donbasê xwedî grîngiyekî stratejîk e.
