Endamê Konseya Rêvebir a KCK’ê Mûstafa Karasû ji bo mexdûrên erhejê banga seferberiyê kir û got:
“Divê gelên Kurd, Tirk û Ereb kir ku bêyî ku benda dewletê bimînin li hev xwedî derkevin.
Divê kes birçî û derve nemîne û ji bo rizgarkirina mexdurên erdhejê ker kes bikeve nav seferberiyê.”
Endamê Konseya Rêvebir a KCK’ê Mûstafa Karasû, têkildarî erdhejê ji ajansa Firatê re axivî.
Mûstafa Karasû, sersaxî ji gelê Kurd, Ereb, Tirk yên ku xizmin xwe di vê erdhejê de wendakirine xwest û got:
“Rayedarên dewletê, mezinahiya vê erdhejê piçûk, giraniya wê sivik dikin.
Hejmara yên jiyana xwe ji dest dane kêm dibêjin.
Helbet em jî dixwazin ku yên jiyana xwe ji dest didin kêm bin, hilweşîn ne zêde be.
Lê rastî newisaye..
Veşartina vê rastiyê, sivik kirina giraniya erdhejê ye.
Zeîfkirina nêzîkatiya cidî ya li hemberî erdhejê ye.
Dewlet ji bo berpirsiyartiya xwe veşê re vê yekê dike.
Lê divê rastiyê ji gel re bêje û li gor wê her kes tevbigere.”
“Derket holê ku AFAD saziyeke şikliye û nikare ji erdhejê re bibe bersiv”
Karasû balkişand li ser rastya saziya alîkariyê ya Tirkiyê-AFAD’ê û ev nirxandin kir:
“Di vê rewşê de derket holê ku saziya AFAD’ê tenê bi nav heye, şiklî ye
Û hêza wî nîne ku ji vê erdhejê re bibe bersiv.
Dewleta Tirk piştî sala 1999’an de baca erdhejê derxist.
Lê vê bacê dewsa bide saziyê, ji hevkar û alîgirên xwe belavkir, ji bo karê cûda xerc kir.”
“Divê civak benda dewletê nemîne bi hev re alîkarbin”
Endamê Konseya Rêvebir a KCK’ê bang li gel kir ku bi xwe birînên xwe bipêçin û benda dewletê nemînin.
“Divê bêyî ku cudahiya Ereb, Tirk û Kurd were kirin, alîkarî ji hemû mexdûrên erhejê re, cihên hilweşiyane re alîkarî were dayîn.
Divê hêviya me zêde ji dewletê nebe.
Ji xwe dewlet ji bo civakê nehatiye avakirin, ji bo ku keda civakê bixwe ye.
Ji bo wê divê civak ti hêviyan ji dewletê neke.
Divê xwe bi rêxistin bike û pirsgirêkên xwe bi xwe çareser bike
Taybet jî gelê me yê Ewropa û Metropolan bi erka xwe rabin.”
Mûstafa Karasû: Divê tu kes birçî û bêcih nemîne”
Karasû didawî de dubarê ji malbatên qurbaniyên erdhejê re sersaxî xwest û bang hemû hêzên kurdistanî kir û got:
“Divê bi giştî gelê Kurd û gelên Tirkiye nimûneya piştevaniyê nîşan bikin.
Xwişk û biratî di demên wiha de diyar dibe. Cîrantî di demên wiha de diyar dibe, mirovahî di demên wiha de diyar dibe.
Divê tu kes birçî û bêcih nemîne û her kes pariya nanê xwe parve bike.
Divê hemû tiştên xwe parve bikin.
Divê her kes bibe seferber.”
