Koşka Spî ragihand ku dibe ti têkliya Çînê bi tiştên li asîmanê welat hatîn dîtin û xistin re tine be.
Her wiha dibe ku ew tişt jî bêziyan bin.
Li asîmanên Dewletên Yekbûyî yên Amerîkayê (DYA) balonên Çînê û piştî wê jî tevgera cismên nediyar, fikarên li ser ewlekariya welat zêde kirin.
Di daxuyaniya Koşka Spî de hat gotin;
Ev tişt “dibe ku aîdî şîrketên bazirganî an jî saziyên lêkolînê ne û ji ber vê yekê dibe ku bêzerar bin.”
Berpirsên Amerîkî û Kanadayî ragihandin ku paşmayên sê tiştên ku ji hêla artêşê ve hatine xistin nehatine dîtin.
Ji Berdevkê Koşka Spî John Kirby doh di daxuyaniya çapemeniyê de got:
Ew ê nekare were zanîn ku sê tiştên nû yên ku li Kanada, Alaska û Michigan hatine xistin, çine û ji bo çi armancê hatine karanîn.
Kirby got:
“Me tu nîşan û nîşanek nedît ku ev her sê tişt beşek ji bernameya sîxuriyê ya Komara Gel a Çînê bûn, yan jî ew bi awayekî eşkere beşdarî xebatên berhevkirina îstîxbarata biyanî bûne.”
Hate diyarkirin ku heta niha tu sazî, rêxistin û hikûmetê li ser tiştan maf negirtine.
Çînê xebatên balonan yên bo sîxurtiyê red kir
Berdevkê Wezareta Derve ya Çînê Wang Wenbin, bersiva Amerîka ya li ser tiştên nayên zanîn yên li asîmanên welat rexne kir.
Wenbin got,
“Gelek kes li Amerîka dipirsin, ‘çalakiyek wisa biha dikare çi sûdê bide Amerîka û bacgirên wê.”
Rêveberiya Çînê di despêkê de pejirand ku balaona li ser asîmanên Amerîka hatî xistin ya wane.
Di heman demê de, ew yek red kir ku ew balon ji bo sîxuriyê hatiye bikaranîn.
Wezareta Karên Derve ya Amerîka jî îdia kir ku ew balon ji yên meteorolojiyê cudatirin û alavên dikarin îstixbaretê kom bikin li nava wê hene.
Amerîka 6 çirketên Çînê xist lîsteya cezayan
Rêveberiya Amerîka piştî vê bûyerê, 6 şirketên Çînê xistibû lîsteya cezayan.
Ev biryara ku 11’ê Sibatê hate dayîn, li Pekînê rastî bertekên tund hat.
Wezareta Bazirganiyê ya Çînê hebûna têkliya van balonan a bû sîxurtiyê red kir.
