Li Îran û Rojhilatê Kurdistanê deshilata Tehranê planeke metirsîdar pêk tîne.
Jehrdana xwendekarên keç dewam dike.
Jimara xwendekarên hatine jehirdan hezar derbas kir.
Tevî vê yekê jî deshilata Tehranê nûçeyên jehirdanê red dike.
Li Îranê êrîşên jehrî yên li hemberî xwendekarên keç duh jî dewam kirin.
Piştî êrîşên ku tê texmînkirin bi gaza jehrî hatine kirin, bi dehan keçên ji 26 dibistanan li seranserê welêt rakirin nexweşxaneyê.
Hejmara xwendekarên jin ên ji meha Mijdarê ve bi jehrê ketine hezar derbas kir.
Nîşaneyên jehrîbûnê pirsgirêkên nefesê, gêjbûn, serêş û westiyayî ne.
Gelek Îranî difikirin ku ev êrîş ji bo girtina dibistanên keçan hatine kirin.
Hikûmetê daxuyaniyeke zelal neda ku ev êrîş bi plan hatine kirin yan na.
Beşek ji xwendekar û malbat difirikirin ku ev yek ji ber beşdarbûnba keçan di xwepêşandanên de têne weke tolhildanê ji wan tê girtin e.
Jimareke zêde ya keçan li nexweşxaneyê hatine dîtin
Tora BBC jî bi dimenên ambulansên diçin Tehran, Erdebîl û Kirmaşanê fikaran zêde dike.
Di yek ji vîdyoyan de tê dîtin ku keçên li nexweşxaneyê têne derman kirin oksîjen danîne ser devê wan.
Di vîdeoyeke din de, keç li ber deriyê dibistanê li ser peyarê rûniştine.
Li Îranê jimara zarokên keç yên hatine jehrîkirin hezar derbas kir
Zexta raya giştî ya li ser hikûmetê ji bo rawestandina van êrîşên li bajarê Qumê yê başûrê Tehranê dest pê kirî jî zêde dibe.
Di lêkolîna BBC Farisî de derketiye holê ku heta roja Yekşemê herî kêm 830 keç bi jehrê ketine.
Parlamenterekî jî got, tenê li bajarên Qum û Burucerdê heta roja sêşemê 1200 keç jehrî bûne.
Kesên bi jehrê ketine radigihînin ku beriya nîşaneyên wan dest pê bikin bêhna mandalin û masiyên xerabûyî digirtin.
Serokê Lijneya Perwerdeyê ya Meclisê Alîriza Monadî-Sefîdan ji ajansa Fars re axivî û diyar kir ku di encama lêkolînên ku hatine kirin de, di gaza jehrî de naveroka nîtrojenê hatiye dîtin.
Wahidî: Me ti nîşaneyên gazeke kîmawî nedîtiye
Lê Wezîrê Karên Hundir Wahidî doh ev yek red kir û got:
Heta niha ew di lêkolînên xwe de rastî ti gazeke kîmyewî ne hatine.
Dayika ku keça wê roja Sêşemê li navçeya Pardîs a nêzî Tehranê bi jehrê ket, ji BBC re got:
“Keça min û du hevalên wê gotin wan weke ku dengek bihistin.
Piştre jî bêhnek nexweş ya mîna plastîka dişewite hatiye.
