Endamê Konseya Rêvebir a Koma Civakên Kurdistanê-KCK’ê Sabrî Ok diyar kir ku terîda giran a li ser Rêber APO nema tê qebûlkirin.
Sabrî ok bi boneya rojbûna Rêbertî jî bang li hemû kurdan kir ku 4’ê Nîsanê wek rojeke bi rastiya xwe bizanin, xwe vegerin û asta têkoşînê bilintir bikin.
Endamê Konseya Rêvebir a Koma Civakên Kurdistanê-KCK’ê Sabrî Ok di Sterk tv de mijarên di rojevê de nirxand.
Sabrî Ok berdewamiya tecrîdê weke rewşeke giran pênasekir û got:
“Tecrîd dikeve sala xwe ya 25’an.
Ev, ji bo tevgera me, partiya me PKK’ê û tevahiya gelê me, ji bo her heval û hevrêyî/ê, ji bo dostên me jî mijareke giring û giran e.
Ji ber tecrîdê ti kurdek ne rehet e.
Em ê her tim vê êş û nerehetiyê bijîn.
Ew ê bibe sedem ku li dijî tecrîdê bi awayekê baştir em bibin bersiv, berpirsyariya xwe pêk bînin.”
Sabrî Ok: Cîhan rizgariya xwe di fikrê Rêber Apo de dibîne
Sabrî ok wiha berdewamî da axaftina xwe.
Cîhan êdî rizgariya xwe di paradîgma Rêber Apo de dibînin.
Êdî li Rojhilata Navîn, Efrîkaya Başûr, ji Efrîkayê, ji Ewropayê, heta Japonyayê fikrê Rêbertî belavbûye û gelên van deran ji bo rêber apo têdikoşin.”
Ok xwedî derketina gel li newrozê û banga wan a azadiya fîzîkî a Rêber ocalan jî wiha nirxand:
Sabrî Ok: Gelê me li dijî tecrîdê di Newrozê de helwesta xwe nîşan da
“Îsal bi milyonan, gelê me rabû ser pêyan û bi vê boneyê em careke din gelê xwe pîroz dikin.
Bi rastî gelekê serbilind, li roja xwe xwedî derket hem jî bi dengekê bilind, bi azadiya Rêber Apo ya fîzîkî wek yek ruh, yek hest, yek îrade, yek deng li her derê nîşan da û diyar kir.
Bandora vê wê bêyî guman li ser pêşeroja me hebe.
Li hember vê helwestê wê teqez dagirkeriya tirkiyê têk biçe.”
“Divê em 4’ê Nîsanê weke roja xwe veger bibînin û têkoşîna xwe mezin bikin”
Di dawî de Sabrî ok roja rojbûna 74’emîn a Rêber Apo pîroz kir û ev bang kir:
Rast e, ji her derê, gelê me, dostên gelê me, wê daran biçînin, xwezayê şîn bikin. Ew rastiya Rêber Apo giring e, wateya hemûyan giring e, ji hemûyan giringtir,
Em 4’ê Nîsanê wek rojeke bi rastiya xwe bizanin,
Em erka xwe ji bona li hember roja 4’ê Nîsanê çawa dibinin, rastiya Rêber Apo çawa dibinin, em hêz ji xwe re ava bikin,
Ji wê rojê de, di rastiya Rêber Apo de, xwe xurttir bikin û hewil bidin û têkoşîna xwe mezin bikin,
Rojek zûtir, Rêber Apo azad bibe.”
