Têkildarî Hilbijartinên 14’ê Gulanê Endama Konseya Rêveber a KJK’ê Çîgdem Dogû axivî. Çîgdem Dogû diyar kir ku divê nêzîkatiyeke ji rêzê li vê hilbijartinê neyê kirin û bi lez ev desthilatdarî bê xistin. Ya ku faşîzmê mezin dike bêrêxistinbûne û ji ber bêrêxistinbûnê tirs e. Ev faşîzm wê têk biçe, divê gumana kes jê vê yekê nebe.
Endama Konseya Rêveber a KJK’ê Çîgdem Dogû têkildarî hilbijartinên 14’ê Gulanê nirxandin kirin.
Çîgdem Dogû diyar kir ku ev hilbijartin di demeke dîrokî ya Tirkiyeyê de pêk tê û got:
Nabe ku nêzîkatiyeke ji rêzê bê nîşandan.
Sîstemek, jiyaneke bi vî rengî ya bêexlaq ne mafê gelên Tirkiyeyê, gelê Kurd û jinan e.
Di sala 2023’an de ku komar dikeve sala 100’emîn.
“Xeta sêyemîn ji bo jinûve diyarkirina çarenûsa xwe dîrokî ye”
Divê rêyên ku berê hatine ceribandin di hilbijartinên 14’ê Gulanê de neyên bikaranîn wê bi xwe re çareserî neyne.
Divê Rêya sêyemîn a çareseriyê bê hilbijartin.
Ji ber ku ev rê ji bo ji nû ve diyarkirina çarenûsa xwe di asta dîrokî de girîng e.
“Têkoşîna jinê divê hîn bi xurtî bê meşandin”
Li hember hişmendiya mêrserwer Çîgdem dogû balkişand li ser rêya têkoşîna jinan û got:
“Jinan bi salan li dijî vê rejîmê têkoşîn meşandin.
Li gel her cûre zext û zordariyê jî têkoşîn bi pêş ve birin.
Bêguma pêwîstî pê heye ku têkoşîna jinê hîn bi xurtî û bi bandor bê meşandin.
Lê belê li hemberî êrîşên zayendîperest û faşîst, jinên ku qet bêdeng nebûn seknek wêrek afirandin.
Divê tevgerên jinan, rêxistin, rêxistinên civakî yên sivîl jî hêzeke rêxistinî ya bi rêk û pêk û hevpar biafirînin.
“Rêxistinî û xweparastin çarenûsê diguherîne”
Endama Konseya Rêveber a KJK’ê da zanîn ku girîng e partiya jinê; Partiya Çepên Kesk bê hilbijartin.
Pêwîste li Meclîsê têkoşîna jinê bê xurtkirin.
Li meclîsê zêdekirina dengê jinê, hewldana ji bo pêşvebirina çand û feraseta temsîliyeta wekhev,gelekî girîng e.
Niha dem ew dem e ku plana qederê ya ku AKP-MHP a nûnerê mêr ê hegemon li ser jinê ferz dike, bê têkbirin.
Dem ew de me ku bi jinan re bibin yek û hêz.
“Bêrêxistinî wê faşîzmê mezin bike”
Çîgdem Dogû piştrast kir ku bêrêxistinbûn faşîzmê mezin dike û wiha domand:
“Ev faşîzm wê têk biçe, divê gumana kes jê vê yekê nebe.
Civak, jin û ciwan çiqasî bi rêxistin û bi hişmendî tevbigerin, wê faşîzm ewqas biçûktir bibe û tune bibe.
Ji bo vê jî di pêşengiya jin û ciwanan de rêxistinbûn û têkoşîn û pêşxistina rê û rêbazên vê pir girîng e.
Divê jin, ciwan, gel û kedkar baweriya xwe bi hêza xwe bînin..
Dengê xwe bidin partiya xwe.
Wê faşîzm teqez têk biçe. “
