Namzetên Partiya Çepên Kesk ku li gelek bajaran xebatên xwe yên hilbijartinê didomînin, diyar kirin ku desthilat dixwaze gel bitirsîne û sindoqan biguherîne Siyasetmedaran bi bîr xistinn ew ê tu carî serî netewînin û gotin “Di vê hilbijartinê de ev desthilat wê têk biçe..”
Partiya Çepên kesk li kêleka mîtîngan mal bi mal tax bi tax hêviya azadiyê û demokrasiyê belav dike.
Li Herêma Botanê Partiya Çepên Kesk gund bi gund xebatên xwe yên hilbijartinê dide meşandin.
Namzetê parlamenteriyê yê Şirnexê û rêveberên Rêxistina HDP’ê yan navçê li gundên Hezexê bi şeniyên gund re civiyan.
Li gundê Xirabêneyiran namzetê Partiya Çepên Kesk Bedirhan Osal axivî û diyar kir coşa gel a li hemberî partiya wan encamên hilbijartinê diyar dike.
Bername bi govend û dirûşmeyên ” Jin jiyan azadî” bi dawî bû.
Li Şirnexê jî bi tevlîbûna parlementerê HDP’ê, namzetê Partiya Çepên Kesk û rêxistinên bajêr, dikandar hatin ziyaretkirin.
Di serdanê de nûneran gel vexwendin mitînga ku dê di 7’ê Gulanê de li Şirnexê bê li darxistin.
Li navçeya Silopiyayê jî bi tevlibûna namzeta Partiya Çepên Kesk a bajêr gel hat ziyaretkirin
Di ziyaretê de giringiya hilbijartinê hate vegotin û daxwaz hate kirin ku herkes biçe ser sindoqan.
Partiya Çepên Kesk li heremên erdhejê jî bi gel re bû
Yek ji deverên ku serdana gel hate kirin bajarê Hatayê ku erdhejê weraniyek mezin lê kir.
Şandeya siyasetmedaran li gundê ermenan ê Vakifli yê navçeya Samandagê bi xebatkarên çapemeniyê yên herêmî re di taştê de hatin cemhev.
Di serdanê de siyasetmedaran got; “Partiya wan pêkhateya tevgerên jinan, ekolojîstan, derdora çep-sosyalîstan e û deng xwestin.”
Partiya Çepên Kesk li Semsûrê jî ku li vir jî erdhejê bandorek zêde lê kir, li gundên herêmê serdana gel kir.
Şandeya ji aliyê gundiyan ve bi coş hat pêşwazîkirin, belavok belav kirin û gotin
“Di vê hilbijartinê de ev desthilat wê têk biçe..”
Di çarçoveya xebatên hilbijartinê de her wiha li Meletiyê jî xebat tê meşandin.
Li gundan namzeta Parlamenteriyê Perîhan Yucekaya û şandeya li gel wê mal bi mal geriyan û pirsgirêkên welatiyan guhdarkirin.
Perîhanê jinan re got ku parlementereke jin dikare pirsgirêkên wan çareser bike û ji ber wê jî xwest dengên xwe bidin Partiya Çepên Kesk.
Xelkê Wêranşarê yê Rihayê rengê xwe yê di hilbirtinan da eşkere kir
