Hêzên Sûriya Demokratîk QSD’ê Çeteyekî din girt.
Çeteyê ku hatî girtin, bi fermanên kesên li herêmên dagirkirî zeviyên çandiniyê yên şêniyên herêmê dişewitandin.
Navenda Ragihandinê ya Hêzên Sûriya Demokratîk QSD bi daxuyaniyekê ragihand ku hêzên taybet çeteyê ku zeviyên çandiniyê yên xelkê Til Temirê dişewitandin, girtin e.
QSD di berferehiya daxuyaniyê de got:
Di dema dawîn de bûyerên şewitandina zeviyên çandiniyê yên xelkên Bakur û Rojhilatê Sûriyê ji aliyê kesên nenas ve hatin dubarekirin.
Piştî lêkolîn û şopandinê ji aliyê yekîneyên taybet ên QSD’ê ve, sedem û encamên wan bûyeran û kesên ku li pey wan nas kirin.
Di rojên derbasbûyî de, yekîneyan çeteyek girt.
Ev çete di berdêla ku zirarê nede zeviyên çandiniyê pere ji xelkê distandin.
Çete talîmatên xwe ji hin kesên ku li heremên Sûriyê yên di bin dagirkeriya Tirkiyê de ne, werdigirt.
Çeteyê hatî girtin bi navê Mihemed Mistefa El Xelef e, sala 1985’an li gundê El-Rewda yê girêdayî Til Temirê ji dayik bûye.
Di lêpirsînên destpêkê de, çete li xwe mikur hat ku wî ji xizmê xwe yê bi navê Mehmûd kertên telefon û talîmat girtine û dest bi karê çeteyetiyê kiriye.
Min hejmarên telefonan ên hin cotkaran bi dest xistin û bi wan re peywendî datanî ku di berdêla zirarê nedim zeviyên wan ên çandiniyê pereyan ji wan bistînim.
Pêşî bi cotkarekî ji pêkhateya Asûrî, piştre bi cotkarekî ji pêkhateya Kurd re yên li Til Temirê û di dema dawîn de, bi cotkarekî ji pêkhateya Ereb axivîm û hewl da bi rêya gefxwarinan pereyan ji wan bistînim.
QSD’ê got:
Ji wê zêdetir vî çeteyî hewl dida nakokiyan di navbera pêkhateyan de çêbike û wan li hember hev sor bike.
Piştî şopandinê û bi hevkariya gel, yekîneyên taybet çete girt û tora sûcdar a ku talîmatên xwe ji çeteyên li herêmên dagirkirin digirt, keşif dike.
Lêpirsîn bi çete re hîn jî dewam e.
Dawiyê Hêzên Sûriya Demokratîk QSD’ê bang li hemû gelên herêmê kir ku li hember gefên çeteyan zêdetir hişyar bin û bi saziyên ewlekarî û leşkerî re alîkar bin.
https://youtu.be/SZ5P2Wm17IA
