Di nava şerê li Ukrayna de, metirsiyên armanckirina pêdiviyên jiyanî hîn zêdetir derketiye pêş.
Bendava Nova Kaxovka ya li herêma Xerson a Ukrayna hate hilweşandin.
Di wextekî ku ava bendavê nayê kontrolkirin de, Moskow Kîevê, Kîev jî Moskow tewambar dike.
Bendava Santrala Hîdroelektrîkê ya Nova Kaxovka ya li herêma Xerson a Ukraynayê ya ji aliyê Rûsyayê ve hatiye kontrolkirin, hilweşiya.
Li herêma ku tê çaverêkirin lehî lê rabe, tehliyekirina welatiyan ji cihên wan dest pê kir.
Ukrayna, Rûsya ji hilweşîna bendavê tewambar kir
Ukrayna ji êrîşê Rûsya sûcdar kir.
Fermandariya Başûr a Hêzên Çekdar ên Ukraynayê di daxuyaniya xwe ya li ser hesabê xwe yê Facebookê de îdia kir ku bendav ji aliyê “hêzên dagirker ên Rûsyayê” ve hatiye hilweşandin.
Qeymeqamê Xersonê Oleksandir Prokudin jî wiha got: “Av wê di nava 5 saetan de bigihêje asta krîtîk.
Mezinahiya wêraniyê, lez û herikîna avê û her wiha herêmên muhtemel ên ku lehiyê lê pêk bên, tên diyarkirin.”
Prokudin ragihand ku li bajarê Xerson ê li kêleka çemê Dnipro, veguhestin dest pê kiriye.
Zelensky: Xerakirian bendavê nîşan dide ku divê Rûsya were derxistin
Serokomarê Ukraynayê Volodymyr Zelensky jî di daxuyaniya xwe ya li ser Telegramê da wiha got:
“Terorîstên rûs.
Xerakirina santrala hîdroelektrîkê ya Kaxovka ji hemû cîhanê re piştrast dike ku divê ji her quncikek axa Ukraynayê bên derxistin.
Divê metreyek jî nemîne. ji wan re, ji ber ku ew her metre ji bo terorê bikar tînin.”
Serokê Îdareya Serokomariya Ukraynayê Andriy Yermak jî derbeya bendavê wek “kuştina ekolojîk” bi nav kir.
Rûsya: Ukrayna bi moşekan êrişî bendavê kir
Şaredarê Nova Kaxovka Vladimir Leontiev ku ji aliyê Rûsyayê ve hatiye erkdarkirin, ji hilweşandina bendavê Ukraynayê sûcdar kir.
Leontyev bûyer wek “êrîşa terorîstî ya giran” bi nav kir û got;
Wê li herêmê kêmbûna avê çêbibe û wê 80 wargeh bandor bibin.
Ajansa nûçeyan a Rûsî TASS’ê îdia kir ku doh bi şev li herêmê operasyoneke hewayî pêk nehatiye û bendav bi mûşeka ku ji pergala roketavêja pir-lûle ya Ukraynayê ve hatiye armanckirin.
Welatên rojava Rûsay ji teqandina bendavê tewambar dikin
Lê welatên Rojavayî yên weke Almanya, Îngilistan, Lîtvaniya û NATO ji teqîna bendavê Rûsya berpirsyar nîşan didin.
Girîgiya Bendava Kaxovka ya li ser çemê Dnipro
Ev bendav di sala 1956’an de li ser çemê Dnipro hatiye avakirin.
Bendav 30 metreyan bilind e û bi dirêjahiya 3 kîlometre û 200 metreyan e.
Bendava ku beşek ji santrala elektrîkê ya Kaxovkayê ye, 18 milyar metrekup av digire.
Ev bendav di peydakirina pêdiviyên enerjiyê yên santrala nukleerî ya Zaporijiya û hewcedariya avê ya nîvgirava Kirimê de rola herî mezin dilîze.
