Kombûna Jinan a Zenûbya dikeve sala xwe ya 3’an de.
Kombûna Jinan a Zenûbya ya li gorî felsefeya “Jin, Jiyan Azadî” a Rêber Abdullah Ocalan ava bûye, bi plansaziyên girîng derbasî sala sêyem dibe û armanc dike ku di sala nû de bi ‘Jin, Jiyan, Azadî’ xwe bigihînin tevahî jinan .
Kombûna Jinan a Zenûbya di 6’ê Hezîrana 2021’an de hat damezirandin.
Kombûn navê xwe ji Melîka Palmîrayê “Zenûbya” girtiye, ku rastiya jinên pêşeng rave kir û di serdema xwe de li dijî Rûmiyan pêşengiya şoreşê kir û gelek pêşketin bi dest xistin.
Ew kombûneke siyasî, ekolojîk, çandî û civakî ye.
Nêrînên tevahî jinan dike yek.
Ji bo avakirina sîwanekê ji tevahî jinan re li bajar, tax, di nav saziyên Rêveberiya Xweser de, kar û xebat dimeşîne.
Ji bo jinan li herêmên rizgarkirî, banek e ku lê dispêrin.
Navenda kombûnê li Reqayê ye û 4 nivîsgehên wê li Reqa, Tebqa, Minbicê û Dêrazorê hene.
Di her nivîsgehekê de 12 komîte hene. Ji wan 7 komîte li gorî pêwîstiya kombûnê hatine çalakkirin.
Kombûnê li dû xwe du salên tije têkoşîn hişt û bi plansaziyên nû derbasî sala xwe ya nû dibe.
Nisrîn El Hesen: Bi ‘Jin, Jiyan, Azadî’ em ê xwe bigihînin tevahî jinan
Derbarê mijarê, Endama Rêveberiya Kombûna Jinan a Zenûbya şaxê Reqayê Nisrîn El Hesen axivî û got:
Piştî rizgarkirina her çar herêman; Reqa, Minbic, Dêrazor û Tebqayê ji çeteyên DAIŞ`ê bi pêşengiya YPJ`ê.
Bi lez û bi awayekî demkî rêveberiyeke jinan hat avakirin.
Armanca wê, birêxistinkirina jinan û xilaskirina wê ji zihniyet û fikrê DAIŞ`ê bû.
Nisrîn da zanîn ku wan rêveberiyên jinan ên her çar herêman bi rêya kombûnê kir yek û wiha bi lêv kir:
Bi rasthatina salvegera duyemîn a damezirandina kombûnê re, her çar nivîsgehên kombûnê, dest bi lidarxistina konferansên xwe yên yekemîn kir.
Nisrîn El Hesen plansaziya kombûnê eşkere kir û got:
Em projeyên aborî ji bo jinan çalak bikin.
Dê asta baldarî û hişyariyê ya jinan bilind bikin.
Dewre û werşeyên nû li dar bixin, bernameyên civakî amade bikin û komînên jinan ên nivîsgehê li tax û gundan çalak bikin.
Em bi dirûşma jin, jiyan, azadî bigihêjin tevahî jinan, wan li gorî rêgez û fikrê Rêber Abdullah Ocalan û felsefeya wî ya azadiyê bi rêxistin bikin.
Minbic-Konferansa 1. a Nivîsgeha Kombûna Jinên Zenûbya bi encamnameyekê bi dawî bû
Konferansa 1.a Nivîsgeha Kombûna Jinan li Dêrazorê li dar ket