Swêd ji bo razîkirina Tirkiyê, despêkê rabû qanûnek ya qaşo dijî terorê derxist.
Piştî vê, cara yekem e Swêd welatparêzekî kurd yê piştevaniya tevgera azadiyê ya Kurdistanê dike, dersonûr dike.
Demokrasiya Ewropa tenê ji bo wan e.
Ev gotin, rastiya berjenwediyên welatên rojava ya ji bo wan nîşan dide.
Li gorî nûçeya çapemeniya Swêdê, Dadgeha Bilind a Swêdê ji bo radestkirina welatparêzekî Kurd bo Tirkiyê çira kesk da.
Di nûçeya rojnameya Aftonbladetê hat weşandin de hat diyarkirin ku dadgehê biryara paşeroja kesê navborî ji hikumeta Swêdê re hiştiye.
Radestkirina welatparêzê Kurd yek ji şertên sereke ye ku Tirkiye ji bo erêkirina endamtiya Swêd a bo NATOyê ye.
Li Swêdê, hikumet li ser daxwazên radestkirinê biryarê dide, lê eger Dadgeha Bilind nêrîneke cûda bide, dersînorkirin pêk nayê.
Li gor rojnameyê, cara yekem e ku alîgirekî Partiya Karkerên Kurdistanê PKK’ê ji Swêdê bo Tirkiyê wê were dersînorkirin.
Ev biryar jî hefteya borî hatibû dayîn.
Welatparêzê ku 2014’an li Tirkiyê ji zindanê derketî, berê xwe dabû Swêdê.
Di sala 2022’an de, li ser daxwaza dezgehên dadwerî yên Tirkiyê, ew li Swêdê hat binçavkirin.
Li gorî nûçeyê, welatparêzê Kurd yê 35 salî jî îdia dike ku sedema sereke ya daxwaza radestkirinê, girêdana wî ya bi HDPê û daxuyaniyên piştevaniya bo PKK’ê ye.
Li Swêdê guhertina qanûnê rastî bertekan tê
Tundkirina qanûnên Swêdê yên li dijî terorê bû sedema berteka hin alî û taybet jî gelê kurd yên li wî welatî dimînin.
Li Stockholmê 4’ê Hezîranê careke din bi hezaran kesî bi hildana sembolên Kurdî, helwesta hikumetê şermezar kirin.
Qanûna dij-terorê ya Swêdê demên dawî derxistî, tenê ji bo razîkirina Tirkiye ya endamtiya Swêdê ye.
Piştî êrîşa Rûsyayê ya li ser Ukraynayê, Swêd û Fînlandiyayê ji bo endamtiya NATOyê serlêdan kirin.
Fînlandiya di 4’ê Nîsanê de bi erêkirina her 30 welatên endamên NATO’yê bû endamê 31emîn.
Endamtiya Swêdê ji aliyê Tirkiye û Macarîstanê ve tê astengkirin.
Tirkiye ya endamtiya Swêdê ji xwere weke fersendeke dibîne, dixwaze zexta li ser welatparêzên Kurd yên li wî welatî dijwar bike.
