Amerîka îdia dike êdî ti rolê Wagner di şerê li Ukraynayê de nemaye.
Serokê Rûsya Putin her çiqasî nexwaze jî lê bi gotina xwe ya dawî Amerîka mafdar derxist. Putin bi eşkereyî got; Tiştek bi naê Wagner êdî nemaye.
Berdevkê Wezareta Parastinê ya Amerîkayê (Pentagon) Pat Ryder ragihand ku şîrketa çekdarên Rûsyayê Wagner êdî roleke mezin di şerê li Ukraynayê de naleyîze.
Pat Ryder got,
“Artêşa Amerîkî di vê qonaxê de ti delîl nedîtiye ku Wagner rolek girîng di şerê Ukraynayê de lîstiye.”
Ryder her wiha diyar kir ku ew difikire “piraniya mezin” ya şervanên Wagner hîn jî li herêmên Ukrayna yên di bin kontrola Rûsyayê de ne.
Wagner û serokê wî Yevgeny Prigojin meha borî serî hildabûn û serhildan di 24 saetan de bi navbeynkariya serokê Belarusya Aleksandr Lukoshenko bidawî bû.
Kremlîn: Putin bi serokên koma Wagner re civiya
Di çarçoveya peymanê de, biryar hat dayîn ku çekdarên ku tevlî artêşa Rûsyayê ya nîzamî bibin an jî bi serokê komê Prigojin re biçin Belarusê.
Lêbelê, Kremlin herî dawî ragihand ku ew bi Prigojin û fermandarên payebilind ên Wagner re di 29’ê Hezîranê de li Moskowê civiyane.
Putin: Tiştek binavê Wagner nîne
Serokê Rûsyayê Vladimir Putin di hevpeyvîna xwe ya bi rojnameya Kommersant a Rûsî re li ser pirsa gelo wê Wagner weke hêzeke şer bê parastin an na û got,
“Wagner nîne.
Li ser avahiyên paramîlîter ên taybet qanûn nîne.
Wagner tine ye.”
Vladimir Putin jî têkildarî hevdîtina xwe ya bi 35 fermandarên Wagner re ku Prîgojîn jî di nav de bû agahî da.
Putin diyar kir ku ji wan xwestiye di bin fermandariya endamekî din yê Wagner de kom bibin lê wan ev yek red kirin e.
Biden: Divê Prigojin li tiştê dixwe baş hişyar be
Serokê Dewletên Yekbûyî yên Amerîkayê Joe Biden jî li Fînlandiyayê di civîneke çapemeniyê de got;
Divê Prigojin ji jehrîkirina piştî serhildanê hişyar be.
Tenê Xwedê dizane ku ew ê çi bike.
Em jî ne bawer in ew li ku ye û têkiliya wî bi Putin re çawa ye.
Ger ez li şûna wî bam, ez ê di dema xwarinê de baş hişyar bim.”
Biden careke din teqezî li ser wê yekê kir ku Putin şer winda kiriye û axaftina xwe wiha bi dawî kir:
“Wî şer winda kiriye.
Putin wê di dawiyê de biryarê bide ku dewamkirina şer ne di berjewendiya Rûsyayê de ye.”
