Rejîma Sûriyê binpêkirinan li ser şêniyên 6 gundên rojhilatê Dêrazorê didomîne. Rejîm nahêle şênî vegerin gundên xwe. Şênî jî li dijî wan binpêkirinan xwepêşandanan pêk tînin. Şêniyên El-Salhiyê yên ji herêmên xwe koçber bûne teqez kirin ku wê xwepêşandanên wan heta ku rejîma Sûriyê ji herêmên wan derkeve, bidomin.
Rejîma Sûrî ku ev zêdeyî 8 salane bi kirinên xwe bûye sedemê koçberkirina xelkê herêmê hîna jî li ser ya xwe danakeve.
Bi taybetî şêniyên aliyê rojavayê Dêra Zorê li dijî vê helwesta rejîmê bihêrsin.
Herî dawî ev hêrsa wan teqiya û di 20 Îlonê de dest bi xwepêşandanên li dijî rejîmê kirin.
Şênî dibêjin ew hebûna rejîmê ya parçekirina gelê herêmê qebûl nakin û daxwaza derketina rejîmê ji cih û warên wan dikin.
Lê leşkerên rejîmê jî bi êrîşê bersiv da xwesteka şêniyên El-Salhiyê û di encam de 2 kes ji aliyê rejîmê ve hatin kuştin.
Lê vê êrîşa rejîmê jî ne karî dengê şêniyên gundê El Salihiyê qut bike.
Şêniyên gund bi rêya ajansa Hewarê careke din peyama xwe ya li dijî rejîmê dubare kirin.
Şênî Hac Kerîm Abdullah ê koçberê gundê Salhiyê got:
Şêniyên gund koçberî çolistana Dêrazorê bûne.
Ji bilî kon û malên heriyê, tu cihê me nîne, em dixwazin vegerin malên xwe.
Koçbera bi navê Terfa Xelef jî diyarkir ku ew dixwazin vegerin warên xwe û ew mîlîsên Şia li gundên xwe naxwazin.
Koçber Hemûd Xidir teqez kir ku heta ku ew rejîmê ji herem û gûndên xwe dernexînin ewê çalakiyên xwe bidomînin.
Tê zanîn ku Şêniyên gundên El-Salhiyê her roja îne bi navê îneya rizgarkirinê da ku ji bo vegerin gundên xwe çalakiyan li dardixin.
Şêniyan teqez kirin heta ku bizvirin warên xwe dê çalakiyên xwe bidomînin.
