Şervana YPJ’ê Toprak Amanos a ku di pengava Reqayê ya li dijî DAIŞ’ê 28 jinên Êzidî rizgar kir, di 9’emîn salvegera fermana Şengalê de behsa hovetiya çeteyên DAIŞ’ê kir û banga darzandina çeteyên DAIŞ’ê kir.
Fermana ku çeteyên DAIŞ’ê di 3’yê Tebaxa 2014’an de bi ser gelê şengalê de kir çîrokên bi êş li pey xwe hişt.
Lê di heman demêde gelek çîrokên hêz û lehengiya jinê jî di dîroka vê fermanê de cihê xwe girtiye.
Yek ji wan jî şervana YPJ Toprak Amanos e ku li Reqayê di pengava li dijî DAIŞ’ê de 28 jinên Êzidî rizgar kiriye.
Toprak Amanos armanca wê rizgarkirina jinên Êzîdî bû.
Toprak bi eslê xwe ji Efrînê ye, di temenekî biçûk de tevî malbata xwe koçî libnanê bûn.
Ji sala 2013’an û vir ve di nava YPJ’ê de cih digire.
Cihê xwe di şerê li Şehba, Heleb, Minbic, Tişrîn, Tebqa, Keramî, Reqayê û li Dêra Zorê jî girtiye.
Toprak behsa dema şoreş û têkoşînê dike ku çawa bi tirsa xwe re rû bi rû maye û hêz girtiye.
Êrîşa li ser Kobanê û dagirkirina gelek herêman ji aliyê DAIŞ’ê ve hat kirin gelek bandor li min kir.
Di wê pêvajoyê de ez beşdarî perwerdeyê bûm.
Piştî demekê min xwe amade kir ku tevlî şer bibim.
Lê dîsa jî ji ber min tirsa xwe ya şer derbas nekiribû bi tirs nêz dibûm.
Cara yekem ez çûbûm eniya şer, min di xewna xwe de didît ku Rêbertî dît.
Ew xwen bû riya hêz û azadiyê jimin re.
Toprak Amanos behsa Pengava Reqqayê kir û got:
Pengava Reqqayê ji bo min gelekî cuda bû.
DAIŞ li wir amadekariyên gelekî cidî kiribûn.
Navê pêngava me rizgarkirina jinên Êzidî bû.
Yekem jina ku min wê dît 14 salî bû û dûcanî bû. Lingên wê bi zincîrekî mezin bi ranzayê ve hatibû girêd.
Ev rewş 6 mehan dom kir, heta ku me Reqa ji çeteyên DAIŞ’ê rizgar kir.
Di pengava de me 100 jinên Êzidî rizgar kir.
DAIŞ piştî Kobanê û Şengalê, li Reqayê bi hêrsa jinan şikestina xwe ya 3’yem jiyan kir.
“Divê çeteyên DAIŞ’ê bên darzandin”
Herî dawî Toprak Amanos banga darzandina çeteyên DAIŞ’ê kir û got:
Çeteyên DAIŞ li xaka Bakurê Rojhilatê Sûriyê şikestineke mezin dît.
Têkoşîna li dijî DAIŞ’ê ji bo tevahî mirovahiyê û cîhanê bû.
Bê guman divê hemû hêzên navnetewî piştgiriyê bidin biryara Rêveberiya Xweser û çeteyên DAIŞ’ê bên darzandin.
