Li grava Hawaîî ya DYA şewatê wêraniyek mezin li pey xwe dihêle.
Şewata li eyaleta Grava Maui hîna nehatiye kontrolkirin.
Ji ber şewatê heta niha 53 kes mirin e.
Di şewata li girava Maui ya eyaleta Hawaiî ya Amerikaye dewam dike de agirkuj gihiştin cenazeyê 17 kesan.
Waliyê navçeyê Josh Green ragihand ku malên bi hezaran Hawaiyiyan bûye xwelî.
Walî Green diyar kir ku ew bi fikar in ku jimara kesên jiyana xwe ji dest dayî zêde bibin û wiha got:
“Li Girava Mezin di tsunamiya ku 1960’î de pêk hat, 61 kesan jiyana xwe ji dest da.
Mixabin bi îhtimaleke mezin xuya dike ku windahiyên jiyanê vê carê zêdetir bibin.”
Waliyê Green: Deriyê xwe ji hawaîî yan re vekin
Walî Josh Green da zanîn ku ji ber ku bi hezaran welatiyên herêmê malên xwe winda kirine, pêwîstiya lezgîn bi cîhekî mayînê heye û ji bo 2 hezar kesî xanî tê xwestin.
Li aliyê din bang li sivîlan kir ku deriyên xwe ji qurbaniyan re vekin.
Hat ragihandin ku beşeke mezin a herêma Lahaîna ya dîrokî di şewata li Mauî ya ku yek ji giravên geştiyarî ên navdar ên Hawaî ye de şewitî.
Walî Green jî ragihand ku ji sedî 80 yê avahiyan ku dike 1700 avahî bi temamî ziyan dîtine.
Di dîmenên hewayî yên ku nûçegihanê ajansa nûçeyan a AFP’ê kişand de, hate destnîşankirin ku gelek bermahiyên şewitî û bilindbûna dûmanê tê dîtin.
Welatiyan rêya xelasiyê bi xweavêtina oqyanûsê re dibînin
Hêzên Ewlekariya Peravê ya Hawaîî ragihand ku li hember pêşketina lez a şewatê herî kêm 100 kes ji bo jiyana xwe rizgar bikin xwe avêtine oqyanûsê.
Ji wan 50 kes ji aliyê nobedarên peravê ve hatin rizgarkirin.
Tê gotin malên bi hezaran kesî şewitîne û li sitargehan digerin.
Serokê Amerîka Joe Biden duh bo Hawaîî rewşa karesatê ragihandibû, ji ber wê jî alîkariyên lezgîn hatin destpêkirin, bi taybetî ji bo kesên ku malên wan şewitîn e.
Li girava Mauî roja Sêşemê bi hemwextî gelek şewat dest pê kirin.
Ji ber ba û bagera ku di saetê de bi leza 130 kîlometre diçû de, şewat bilez belav bû.
