Qamişlo-Akademiyeke Birdozî li taxa Qidûrbegê hat vekirin

Bi însiyatîfa xelkê taxa Qidûrbegê, akademiyeke birdozî li taxa Qidûrbegê ya Qamişloyê bi armanca belavkirina fikrê azad ê felsefeya Rêber Abdullah Ocalan hat vekirin.

Di merasîma vekirina akademiya bi navê şehîd Bingeh de, bi dehan xelkê taxê û endamên 11 komînên taxê beşdar bûn.

Dayika şehîd Bingeh Qidûrbeg Zeyneb Tahir û xwişka wî Xedîce Hisên û dayîka şehîd Mihemed Salih Sûriya Îbrahîm Osman, navenda akademiyê vekir.

Di serî de endamê Komîteya Perwerdeyê ya akademiyê Mihemed Cemîl vekirina akademiyê pîroz kir û got:

“Em tev hewcedarên gavên wiha ne, ji ber wê jî me ev akademî ji bo şêniyên taxê vekir.”

Cemîl destnîşan kir ku armanc ji vekirina vê akademiyê ew e ku şênî perwerdeya fikrî û îdeolojî li ser bingeheke exlaqî ya demokratîk û li gor fikrê Rêber Abdullah Ocalan bibînin.

Mihemed Cemîl wiha axaftina xwe bi dawî kir:

“Em dê akademiyê bikin cihê belavbûna fikrê azad ê pêşxistina civakan ber bi demokrasiyê ve.”

Back to top button