Şandeyeke Kanadayî serdana Bakur û Rojhilatê Sûriyê kir û li herêmê hevdîtin pêk anîn.
Şandeyê di hevdîtinê de destnîşan kir ku divê civaka navnetewî piştgiriyê bide Rêveberiya Xweser.
Şandeyeke Kanadayî serdana Bakur û Rojhilatê Sûriyê kir û li herêmê hevdîtin pêk anîn.
Şande, ji aliyê cîgirên hevseroketiya Daîreya Têkiliyên Derve yên Bakur û Rojhilatê Sûriyê ve hate pêşwazîkirin.
El Giêt: Pirskirêka Sûriyê bi diyaloga navxweyî çareser dibe
Fener El Giêt di hevdîtinê de balkişand ser pirskirêkên li Sûriyê û diyar kir divê pirskirêk bi diyalogan were çareser kirin.
Her wiha ji bo darizandina çeteyên DAIŞ’ê jî divê Kanada û civata navnetewî destekê bidin Rêveberiya Xweser.
Butt: Divê civaka navnetewî piştgiriyê bide vê rêveberiyê
Di nava şandeyê de sentora Parlamentoya Kanadayê Kîm Butt axivî û wiha got:
“Ez di wê baweriyê de me ku divê civaka navnetewî piştgiriyê bide vê rêveberiyê .
Ji ber ku ev hêz bi tevahî xizmeta edalet, wekhevî û mirovahiyê dike. ”
Neff: Gelê vir di şerê li dijî DAIŞ’ê de fedakariyên mezin kirine
Profesorê alîkar yê hiqûqê yê Zanîngeha Otawa Alex Neff jî balkişand ser fedakariya gelê Bakur û Rojhilatê Sûriyê yên di şerê li hember DAIŞ’ê de û got:
“Ji bo fedakariyên ku hatine kirin divê Kanada û civaka navnetewî bi awayekî cidî rola xwe bilîzin.”
Neff: divê darizandina DAIŞ’ê bi awayekî navnetewî be
Neff rexne li bêdengiya civata navnetewî kir û diyar kir ku divê vegerandin û darizandin çeteyan bi awayekî navnetewî were lidarxistin.
