Ukrayna wê pişesaziya xwe ya çekan xurt bike

Ukrayna ya bi Rûsyayê re dinava şerekî de ye, biryar da ku pîşesaziya xwe ya parastinê xurt bike.
Serokomar Zelensky ragihand ku şert û mercên ji bo hilberîna zêdetir a çekan pêk hatine.

Ukrayna ku ev nêzî sal û nîv e li dijî êrişên Rûsyayê li ber xwe dide, biryar da ku pîşesaziya xwe ya çekan pêş bixe.

Serokomarê Ukraynayê Volodymyr Zelensky di peyameke vîdyoyî ya ku roja Duşemê hat weşandin de, li ser mijarê axivî.

Zelensky derbarê stratejiya nû ya hikumetê ya hilberîna çekan de, ragihand ku wê hilberîna çekan xurt bikin.

Zelensky bal kişand ku li welat ji bilî top û cebilxaneyan wê pêgerên hewayî yên bêmirov, moşek û wesayitên zirxî bên hilberandin û wiha got:

“Em asta hilberanê zêde dikin.

Ukrayna dikare vê bike.

Fînansekirin amade ye.

Pîşesaziya me ya parastinê wê encamên baş bidest bixe.”

Di daxuyaniyên berê de rêveberiya Ukraynayê diyar kiribû ku armanca wan ew e welêt bikin yek ji hilberînerên herî mezin ên çekan.

Zelensky di peyama xwe ya vîdyoyê ya heftane de jî parve kir ku ji bo zêdekirina hilberînê bi nûnerên pîşesaziya çekan re civiya.

Pêwistiya Ukrayna ya bi çekên Rojavayî

Ji bo vegerandina herêmên xwe yên ji aliyê Rûsyayê ve hatine kontrolkirin, pêwistiya Ukrayna bi gelek çek û cebilxaneyan heye.

Lê belê Ukrayna ku bi têra xwe çekan çênake, pêwîstiya wê bi alîkariya leşkerî ya hevalbendên xwe yên rojavayî heye.

Ji aliyê din ve Zelensky îşaret bi wê yekê jî kir ku divê sîstemên parastina esmanî ya Ukraynayê jî bên bihêzkirin û got,

Ji bo peydakirina balafirên şer ên nû wê şert û mercên pêwîst bên çêkirin.

Hollanda, Danîmarka û Norwêcê ragihandin ku ew ê balafirên şer ên F-16 bişînin Ukraynayê.

Ji bo sewqiyatê şert û mercên siyasî û rêgezên pêwîst pêk hatine, lê ji bo sewqiyat pêk were divê binesaziyek bê avakirin.

Ji aliyê din ve Serokomarê Ukraynayê Zelensky diyar kir ku wî ferman daye artêşê ku xwe ji zivistanê re amade bike û taybet di mijara parastina binesaziya enerjiyê de.

Seûlê ji butçeya 2024’an bo Ukrayna 393 mîlyon dolar cuda kiriye

Bi dirêjbûna şerê li Ukraynayê re, welatên hevlbendên Kîevê alîkariya xwe xurtir dikin.

Koreya Başûr di pêşnûmeya butçeya xweya 2024’an de, bû Ukrayna 393 mîlyon dolar veqetand.

Ev dane li gorî ya 2023’an 8 qat zêdetir e.

Ukrayna: F-16 dikare rewşa şer bide guhertin

Back to top button