Hindistana ku bi serketî peyka xwe li ser Heyvê daxistî, vê carê dest bi mîsyona Rojê kir.
Satelayta ku welat şandibû Rojê bi serketî hat avêtin.
Hindistan piştî ku bû yekem welat ku keştiya fezayê şand qutba başûr a heyvê, niha peykê dişîne Rojê.
Destpêkirina peyka Aditya-L1 ku îro ji Sriharikota li rojhilatê welêt hat avêtin, ji hêla Navenda Hindî ya Lêkolînên Fezayê (ISRO) ve zindî hate weşandin.
Destpêkirina serketî li navenda kontrolê ya ISRO bû sedema coş û çepikan.
Tê plankirin ku peyk wê li herêma fezayê 1,5 milyon kîlometre dûrî Cîhanê bê bicihkirin û ji wir wêneyên Rojê bikişîne.
Karbidestên Hindistanê pêşbînî dikin ku rêwîtiya peykê wê bi qasî çar mehan bidome.
Satelaytê ku ji heft modulan pêk tê, armanc dike ku bi alîkariya detektorên qada elektromagnetîk çavdêriya qatên derve yên rojê bike.
Yek armanca mîsyonê ew e ku dînamîkên bayê rojê baştir analîz bike.
