Rayedareke Amerîkî li ser hevdîtina serokê Koreya Bakur Kim bi Rûsyayê re agahiyek parvekir.
Rayedar dibêje Kim plan dike ku biçe Rûsyayê û bi Putin re li ser bazirganiya çekan gotûbêj bike.
Waşîngton jî dibêje, di egera firotina çekan a Koreya Bakur bo Rûsyayêde, wê cezyaên li ser werin zêdekirin.
Rayedareke Amerîkî li ser hevdîtinên di navbera Koreya Bakur bi Rûsyayê re agahiyek belav kir.
Rayedarê ku bi kanala CBS re axivî diyar kir ku serokê Koreya Bakur Kim Jong-un plan dike ku vê mehê biçe Rûsyayê.
Li gorî agahiyan wê Kim bi Vladimir Putin re bazirganiya çekan gotûbêj bike.
Serokê herdû welatan herî dawî 2019’an civyabûn
Serokê herdû welatan herî dawî di sala 2019’an de li Vladivostok a Rûsyayê civiyan.
Li gorî rayedarê Amerîkî, wê Koreya Bakur çekan bide Rûsyayê ku di şerê li Ukraynayê de bikar bîne.
Derbarê cihê û dema hevdîtinê de heta niha agahiyeke zelal nehatiye parvekirin.
Li gorî agahiyan Kim plan dike bi trênê seferê bike, lewma dibe ku bajarê Vladivostok li aliyê rojhilatê Rûsyayê were tercîh kirin.
kirby: Eger ev yek bibe wê cezayên li ser Koreya Bakur girantir bibe
Berdevkê Konseya Ewlekariya Netewî ya Amerîkayê John Kirby diyar kir, di egera firotina çekan de wê cezayên li ser Koreya Bakur zêde bibin.
Koşka Spî herî dawî ragihand ku danûstandinên bazirganiya çekan di navbera her du welatan de bi awayekî aktîf pêşde diçin.
Rûsya dixwaze Koreya Bakur di firotina çekan de qane bike
John Kirby diyar kir, Wezîrê Parastinê yê Rûsyayê Sergey Şoygu di serdana xwe ya Koreya Bakur de hewl daye rêveberiya Pyongyangê qane bike ku çekan bifiroşe Moskovayê.
Seredana rayedarên rûsî bo Koreya Bakur ji dema pandemiyê ve bû.
Rayedarên her du welatan her wiha ji bo zêdekirina hevkaridya di navbera herdû welatan de name ji hev re şandibûn.
Everard: Dibe ku kim serdana xwe betal bike
Balyozê berê yê Brîtanyayê yê Koreya Bakur John Everard diyar kir piştî planên serlêdanê di çapemeniyê de derketine, îhtîmala hevdîtinê kêm bûye.
Everard diyar kir Kim Jong Un girîngiyek mezin dide veşartina karê xwe yên derve û got:
“Dibe ku ew hevdîtina xwe ya bi Pûtîn re betal bike.”
