Ermenistan û DYA wê hefteya bê li Ermenîstanê tetbîqata leşkerî ya hevpar li dar bixin.
Hevkariya leşkerî ya bi Êrîvan û Waşîngtonê hemwextî sarbûna navbera Rûsya û Ermenîstanê ya li herêma Qerebaxê de pêk tê.
Beşek yekîneyên artêşên Ermenistan û Dewletên Yekbûyî yên Amerîkayê (DYA) hefteya bê wê li Ermenîstanê tetbîqata leşkerî ya hevpar li dar bixin.
Wezareta Parastinê ya Ermenîstanê li ser mijarê daxuyaniyek da.
Wezaretê ragihandin ku tetbîqata “Eagle Partner 2023” wê navbera 11-20’ê Îlonê “di çarçoveya amadekariyên ji bo beşdarbûna Ermenîstanê ya mîsyonên aştiyê yên navneteweyî” de, bê lidarxistin.
Hat ragihandin ku tetbîqat wê bi giranî li Navenda Perwerdeyê ya Tûgaya Aştiyê ya Zar û Navenda Perwerdeyê ya N a Wezareta Parastinê pêk tê.
Ev navend Mijdara sala borî bi fînansekirina Amerîkayê hat nûjenkirin.
Di daxuyaniya Wezareta Parastinê ya Ermenîstanê de hat destnîşankirin ku tetbîqat bi armanca “zêdekirina asta operasiyona lihevhatî ya leşkerên Ermenî yên ku beşdarî mîsyonên aştiyê yên navneteweyî dibin” û “amadekirina ji bo guhertinên plansazkirî yên di Konsepta Kapasîteya Operasyonên” de ye.
Her wiha ev yek di çarçoveya Bernameya Hevkariya ji bo Aştiyê ya NATO’yê ya ji bo welatên hevkar ên ne-endam de hatiye damezrandin.
Wezaretê her wiha diyar kir ku “Leşkerên Ermenî gelek caran beşdarî tetbîqat û rahênanên hevpar ên bi welatên hevkar re dibin ji bo amadekariya operasyonên aştiyê yên navneteweyî.”
Di nava Moskow û Êrîvanê de sarbûn
Di meha Nîsanê de, Wezareta Parastinê ya Amerîkayê Pentagon, Ermenistan xistibû lîsteya beşdarên 26 welatan ya tetbîqata navneteweyî ya Defender 23 ku li Ewropayê tê lidarxistin.
Piştî vê bi çend saetan bê ku ravekirinek pêk were, Ermenîstan ji lîsteyê hate derxistin.
Ev yek jî bo sedema pirsan.
Zêdebûna hevkariyê di navbera artêşa Ermenîstan û Amerîkayê de, hemwextî serdema sarbûna têkliyên Moskow û Êrîvanê hat.
Êrîvan difikire ku Moskow di mijara parastina sînorên xaka welat de bi qasî tê xwestin li kêleka wî nemaye.
