Ji bo festivala çanda Kurd a li Elmanyayê Hevserokê Konseya Rêveber a KCK’ê Cemîl Bayik peyamek şand û qala rola sereke ya çand û hunerê û keda Rêber Apo a ji bo vê yekê kir.
Bayik destnîşan kir ku êrîşên modernîteya kapîtalîst û xayinan tenê bi têkoşîna leşkerî nayên şikandin û got: Em dikarin van êrîşan, bi têkoşîna di qada çand û hunerê de pêş bikeve, bişkînin.
Hevserokê Konseya Rêveber a KCK’ê Cemîl Bayik ji bo 31. Festîvala Çanda Kurd a Navneteweyî de peyamek şand.
Cemîl Bayik di serî de festîval li her kesî pîroz kir û şehîdên Tevgera Azadiyê û hunermedên nemir bi bîr anîn.
“Rêber Apo ji bo pêşketina Çand û Hunera Kurd kedeke bê hempa da”
Paşê Bayik îşaret bi keda Rêber Apo a ji bo xurtkirina Çand û Hûnera Kurd kir û ev yek got:
Rêber Apo got, “Çand beden e, ziman beden e, erdnîgarî beden e, li bedena xwe xwedî derkevin.”
Ji bo zîhniyet, kesayet û jiyana Kurdan pêş bixe, Rêber Apo gelek têkoşîn meşand.
Di encama vê de gelê Kurd, gihand asta gelekî tê hezkirin û mînak tê girtin.”
“Têkoşîna me nirx û derfetên gelekî mezin afirandiye”
Li hemberî ked û têkoşîna Rêber Apo û Tevgera Azadiyê Cemîl Bayik bal kişande li ser berpirsyariya hunermendan û got:
Divê hunermend van rastiyan di nav gelê Kurd û gelên din ên cîhanê, di qada navneteweyî de hê zêdetir pêşve bibin.
“Êrişên modernîteya kapîtalîst bi tenê bi têkoşîna leşkerî nayê şikandin”
Bayik destnîşan kir ku êrişên modernîteya kapîtalîst û xayinan tenê bi têkoşîna leşkerî nayên şikandin û wiha domand:
Ji bo ev êrîş werin şikandin, pêwîst e em di qada bîrdozî de şer û têkoşînê pêş bixin.
Em dikarin van êrîşan, bi têkoşîna di qada çand û hunerê de pêş bikeve, bişkînin.
Cemîl Bayik: Divê konservatûarên hunerê were vekirin
Bayik pêşniyaz kir ku di demek herî kurt de divê konservatûar were vekirin û got:
“Êdî dem hatiye ku di muzîk, sînema, şano, wêje, folklora Kurdî de gav werin avêtin.”
Bayik: Divê dil û mejiyê gelê me yê li Ewropa li Kurdistanê be
Her wiha Cemil Bayik têkoşîna bêhampa ya gerîlayan a li dijî êrişên dagirkeran bibîrxist û wiha banga berpirsiyariyê li Kurdistaniyên Ewropa jî kir:
Gelê me yê li Ewropayê, divê dil û mejiyê wê li Kurdistanê be.
Gelê me yê li Ewropayê her tim bi erênî rol lîstiye.
Ez bawer dikim ji niha û pêde jî ew ê dewam bike, ji niha de tevlîbûn û têkoşîna gelê me pîroz dikim.
Cemîl Bayik: Têkoşîna sereke azadiya Rêber Apo ye
Hevserokê Konseya Rêveber a KCK’ê Cemîl Bayik destnîşan kir ku têkoşîna sereke azadiya Fîzîkî a Rêber Apo ye û wiha bi dawî kir:
Divê em di vê ferqê de bin ku 25 sal in gelê Kurd dîl hatiye girtin.
Eger me, bi temamî erk û berpirsyariya xwe tam bi cih bianiya, bi azadiya fizîkî ya Rêber Apo re ew ê gelê Kurd jî bigihîşta azadiya xwe.