Di roja 3’an a şerê Îsraîl û Hamasê de, hejmara kuştiyan zêde dibe.
Artêşa Îsraîl piştrast ku ku ji ber êrişa Tugayên El Qessam, 800 kes ji wan hatine kuştin.
Li aliyê din li Xezayê hejmara kuştiyên ji ber êrişên Îsraîlê ji 560 derbas bû.
Ji encamê heyî diyar dibe ku dîsa aliyê berdêla herî giran a vî şerî dide gelên Filîstîn û Îsraîlê ne
Piştî êrişa dijwar a ku Tugayên El Qessam 7’ê Cotmehê li dijî Îsraîlê, şerê di navbera aliyan de 48 saet li pey xwe hişt.
Ji helwesta Îsraîl û Hemasê diyar dibe ku wê ev şer demeke dirêj dewam bike û rê ber li rewşeke kambax veke.
Wezîrê Parastinê yê Îsraîlê Yoav Gallant fermana wê yekê da ku Xeza bi temamî were dorpêçkirin û got:
Êdî wê elektrîk, xwarin, av û gaz li ser Xezayê were qutkirin.
Wê her tişt li ser xelkê bajêr were birîn.
Yên em şerê wan dikin nemirovin û em niha li gorî vê yekê tev digerin.
Di rewşeke wiha de Almanyayê jî ragihand ku wan ji bo demeke ne diyar, alîkariyên didan gelê Filîstînê rawestandine.
Alîkariya ku wê Almanya ji bo îsal û 2024’an bişandana Filîstînê 125 mîlyon Euro ye.
Têkildarî encama şer û êrişan, dezgehên ragihandin û aliyên pêwendîdar ên Îsraîl û Filîstînî agahî parve kirin.
Li gorî vê.
Êrişa 7’ê Cotmehê: 800 Îsraîlî hatin kuştin
Eniya Îsraîlê
- 800 kes hatin kuştin
- 2 hezar 382 birîndar
- Bêtirî 100 Îsraîlî di destê çekdarên Hamasê de ne.
Êrişên li dijî Xezayê: 560 Filîstînî hatin kuştin
Eniya Filîstînê
- 560 kes hatin kuştin
- Di nava kuştiyan de gelek zarok û jin hene
- 2 hezar û 900 kes birîndar bûn
- Bi dehan avahî, banka, dibistan û mizgeft hatin rûxandin
Îsraîl: Me di nava 48 saetan de 300 hezar leşkerên yedek amade kir
Artêşa Îsraîlê jî eşkere kir ku ew xwe ji bo şerekî mezin amade dikin.
Artêşê eşkere kir ku wan ji roja Şemiyê 300 hezar leşkerên yedek amade kirine.
Ji ber vê rewşa aloz, gelek dewletan bang li welatiyên xwe kirin da ku ji Îsraîl û Filîstînê derkevin.
Artêşa Îsraîlê bêserûber Xezayê bombardiman dike
Di vê navberê de artêşa Îsraîlê ragihand ku wan şevên din bi balafir û topan êrişî gelek navendên Hamasê kirine.
Li gorî daxuyaniya artêşê, di encama êrişên 24 saetên dawî de li herêma Xezayê bêtirî 500 navendên Hamasê bûne armanc.
Tevgera Hamasê îdîa kir ku ji ber êrişan, 4 dîlên Îsraîlê yên di destê wan de hatine kuştin.
Êrişa 7’ê Cotmehê: Di Festîvala Elektronîk de 260 Îsraîlî hatin kuştin
Li aliyê din derket holê ku di roja pêşî ya êrişa 7’ê Cotmehê de ku çekdarên Hamasê li dijî beşdarên Festîvala Elektronîk ya Îsraîliyan komkujî pêk anîne.
Piştî ku hêzên Îsraîlî giştin cihê festîvalê, cenazeyên 260 kesî dîtin.
Êrişa 7’ê Cotmehê: Ji civîna NY helwesteke hevpar derneket
Li qada Navneteweyî jî doh Konseya Ewlekariyê ya Neteweyên Yekbûyî bi mijara Îsraîl û Filîstînê kom bû.
Plan ew bû ku ji vê civînê helwesteke tûnd li dijî Hamasê derkeve.
Lê tevî vê yekê jî daxuyaniyeke hevpar nehat dayîn.
Amerîka li dijî vê yekê nerazîbûn nîşan da û got;
Her çendî gelek welatan êrişên Hamasê şermezar kiribûn jî lê hê hin alî bê deng in.
