Li eyaleta Baglan ê Afganistanê di dema nimêja înê de, li mizgefteke Şîiyan teqîn çêbû.
Hate diyarkirin ku di teqînê de herî kêm 7 kes hatin kuştin û 15 kes jî birîndar bûne.
Ji dema ku Talîban di Tebaxa 2021’an de hat ser desthilatdariyê, bi taybet di dema nimêja înê de gelek êriş li ser mizgeftan tên kirin.
Hikûmeta Talîbanê bi daxuyaniyekî ragihand ku di teqîna ku di dema nimêja înê de li mizgefteke Şîiyan de pêk hat, herî kêm 7 kes hatin kuştin û 15 kes jî birîndar bûne.
Hîna kesî êriş negirtiye ser xwe ku li mizgefta Îmam Zeman a li paytexta eyaleta Baglan Pol-e-Khormî pêk hat.
Li gor çavkaniyên herêmî hejmara miriyan zêdetir e û cenazeyên 19 kesan û 40 birîndar rakirine nexweşxaneyê.
