Li Qazaxistan di qezaya madenê de, herî kêm 45 kes mirin.
Di dîroka welat de ev qezaya madenê ya herî mezin bû.
Serokê Kazakistanê Tokayev jî sersaxî ji malbatên qurbaniyan re xwest.
Di qezaya ku li Qazaxistanê di kana fîrmaya ArcelorMittalê de pêk hat de herî kêm 45 kesan jiyana xwe ji dest dan.
Di roja şînê ya neteweyî de alayên li welêt daxistin nîvê.
Ev qezaya 28’ê Cotmehê pêk hatî, li welatê Asyaya Navîn de ji dema serxwebûna wê ji Yekîtiya Sovyetê ve wekî qezaya herî kujer ket dîrokê.
Serokê Qazaxistan Qasim Comert Tokayev piştî qezaya li kana Kostenkoyê ferman da ku hevkariya bi ArcelorMittal re bi dawî bikin.
Berî ku Tokayev biryara xwe ragihîne, “fîlmeke belgeyî” li zêdetirî dehan kanalên dewletê “ji bo rewakirina siyaseta hikumetê” hat weşandin.
Tokayev bi amadebûna malbatên qurbaniyan li Karagandayê, ArcelorMittal wekî “Şîrketa herî xirab a dîroka Qazaxistanê di warê hevkariya bi hikumetê re” bi nav kir.
Rêveberên Qazaxistanê beriya niha piştrast kiribûn ku di rêgezên ewlekariya pîşesazî îsal de nêzîkî hezar caran li kanan binpêkirin pêk hatiye.
‘Mafên civakî wê bên zêdekirin’
Vadim Bassine yê weke rêveberê nû yê ku ji aliyê hikumetê ve hatiye erkdarkirin, piştrast kir ku her çend şirker mûçeyan ji navgîniya herêmî zêdetir bide jî, wê mafên wê yên civakî bêne parastin û pêşvebirin.
Ji hilweşîna Yekîtiya Sovyetê di 1991 de, nêzîkî 200 karkerên madenê li Qazaxistanê mirine.
Piraniya wan jî her li navendên ArcelorMittal in.
2006’an, 41 karkerên madenê di kana Lenîn de, miribûn.
Şirketa 1995’an hat Qazaxistanê û nêzîkî panzdeh kargeh û kan yên li komara Sovyeta berê lêye dixebitîne.
Standardên ewlehiyê yên ne têr ên pargîdaniyê gelek caran ji hêla rayedaran ve hatine rexne kirin.
Di heman demê de sendîkayan bi rêkûpêk banga kontrolkirina hukûmetê ya tundtir dikin.
