Rêveberiya Xweser a Bakur û Rojhilatê Sûriyê daxuyaniyek derbarê êrişan de da û got: “Dewleta Tirkiyê bi van êrişên xwe hewl dide armî û ewlehiya li herêmê derbe dike.”
Rêveberiyê bang li gel kir ku yekîtiya xwe xurt bikin û li hember êrişên dagirkeriyê bisekinin.
Êrişên dijwar ên bi armanca têkbirina destketiyên Rêveberiya Xweser dewam dikin.
Rêveberiya Xweser a Bakur û Rojhilatê Sûriyê derbarê êrişên dewleta Tirkiyê de daxuyaniyek nivîskî da.
Rêveberiya Xweser îşaret bi hewldanên xapandina raya giştî ya Tirkiyê kir û got:
Rêveberiya Xweser: Tirkiyê şerê li dijî Terorê asteng dike
“Tirkiyê li rex siyaseta xwe ya qirkirinê ya li dijî herêmê û ji pîvana li ser xapandina raya giştî ya Tirkiyeyê hincetên derew yên dûrî rastiyên ne, didomîne.
Ev amûra şer bi awayekî rasterast herêmên me dike armanc û hewldanên tunekirina terorê ku gelê me didomîne, asteng dike.
Rêveberiya Xweser: Êrişên dawîn rasterast sivîl kir armanc
Êrişên dawîn ên ku li dijî sivîlan hatin kirin eşker û xuya ye ku armî û ewlehiya herêmê derbe dike.
Ev kiryarên dewleta Tirkiyê binpêkirina hemû pîvan û zagonên mirovî û exlaqî ne.
Rêveberiya Xwser da zanîn ku ev êrişên dijwar rasterast bandorê li xabatên aramiyê dike û wiha pê de çû:
Rêveberiya Xweser: Jiyana zêdetirî 5 milyon kes di xeteriyê de ye
“Ev yek bandorê li xebatên aramiyê û rêbazên pêşxistina xizmetên jiyanî ji herêmê re ku 5 milyon kes tê de dijîn di nav de koçber û penaberan hene, dike.
Rêveberiya Xweser piştrast kir ku berdewamkirina van êrişan rewşeke mirovî û jiyanî xerab bi xwe re tîne û got:
“Divê dewleta Tirkiyê li ser van kiriyarên xwe bê cezakirin”
“Em teqez dikin ku çi êrişên dijminahî bi awayekî rasterast gefan li aramî û ewlehiyê dixe û herêmê ber bi zehmetiyan ve dibe, ji wan tevlihevî û terora ku dewleta Tirk dixwaze berdewam bike.
Ji ber vê yekê jî divê helwestên zelal ji aliyê hemû hêzên ku parastina aramiya herêmê û tunekirina terorê dikin, hebin.
Divê berpirsên kuştina sivîlên bêsûc li gorî qanûnên navneteweyî were kirin, ji ber ku ev xebatên tundî û sûcên şer in.”
Rêveberiya Xweser: Banga me yekîtiya xwe xurtir bikin
Rêveberiya Xweser a Bakur û Rojhilatê Sûriyê di dawiyê de bang li gelê herêmê kir ku yekîtî û hevgirtina xwe li hember van êrişan xurtir bikin.
