Di salvegera 12. komkujiya Roboskî de 34 qurbanî LI ser gorên xwe hatin bibîranîn.
Di merasîma biranîne hate diyar kirin zîhniyeta ku welatiyên Roboskî qetil kirin, qirkirina gelê Kurd didomînin û hate gotin: “Heta kujer neyên darizandin em ê rehet nebin.”
Ji parêzerên têkoşîna hiquqî Erkan Şensez jî diyar kir ji bo ku ev dosye û lêpirsîn bê ceza nemîne ew ê bi her awayî têbikoşin.
9 jê zarok 34 kesên li gundê Roboskê yê girêdayî navçeya Qileban a Şirnexê hatin kuştin, li ser gorên xwe hatin bibîranîn.
28’ê Kanûna 2011’an balafirên şer ên artêşa tirk a li Roboskiyê komkujî pêk anîbû.
Malbatên qurbaniyan di salvegera 12. a komkujiyê de, tevî nûnerên partî û saziyên Kurdistanî li ser gorên wan kom bûn.
“Heta kujer neyên darizandin em ê rehet nebin”
Li ser navê malbatên Roboskî Halîme Encû despêkê axivî û diyar kir ku birînên wan 12 sal in kevin nebûne.
Halîme Encû got,
“Heta kujer neyên darizandin em ê rehet nebin.
Piştre Hevseroka Giştî ya DBP’ê Keskîn Bayindir anî ziman desthilatê bi nezikatiya dijminatî ev erdnîgarî her tim kiriye cihê komkujiyê.
“Kujer ji aliyê dewletê ve tên parastin, mînaka vê ya herî mezin Roboskî ye”
Keskîn Bayindir destnîşan kir ku ji qetlîamên ku heta niha hatine kirin tu kes hesab nedaye û wiha got:
Ev nîşan dide ku kujer ji aliyê dewletê ve tên parastin û mînaka vê ya herî mezin Roboskî ye.
Têkoşîna Hiqûqî ya ji bo 34 qurbaniyan 12 sal in dewam dike
Li aliyên din têkoşîna hiqûqî ya ji bo 34 qurbaniyan dewam dike.
Di van 12 salan de kirinên dewletê hatin parastin û dozên ku hatin vekirin jî encam nehat girtin.
Parêzeran sala 2019’an ji Wezareta Dadê xwestin lêpirsîn jinûve bê vekirin.
Parezerên dozê ku serî li Wezareta Dadê dabûn, piştî 4 salan bersiv wergirtin.
Wezareta Dadê pêwîstî pê nedît ku dosyeya Roboskê bibe Dadgeha Bilind
Wezaretê pêdivî pê nedît ku dosyeyê bişîne Dadgeha Bilind.
Ji parêzerên dozê Serokê Baroya Êlihê Erkan Şenses nêrîna wezaretê wekî “sosret” nirxand.
Erkan Şenses da zanîn ku dadgeha leşkerî û Dadgeha Bilind nebêalî û serbixwe ne, hikumet bi vê biryarê dikeve nava nakokiyan.
Şenses got:
Eger Dadgeha Destûra Bingehîn biryara binpêkirinê bide wê doza Roboskiyê jinûve bê vekirin
Parêzer Erkan Şenses diyar kir ji bo ev dosye û lêpirsîn bê ceza nemîne ew ê bi her awayî têbikoşin û bang li her kesî kir ku xwedî li dosyeyê derkevin.
KCK: Ji bo hesabê Roboskî bê pirsîn divê têkoşîn bê mezinkirin
