Navenda Ragihandin û Çapemeniyê ya QSD’ê ragihand ku li nvaçeya Eyn Îsa, Girê Spî û Minbicê li dijî leşkerên dewleta Tirk û çeteyên wê çalakî hatine lidarxistin.
Hate ragihandin ku di encama van çalakiyan de 2 leşkerên Tirk û 17 çete hatin kuştin.
Hêzên QSD’ê di 15 û 17’ê çileya 2024’an li navçeya Eyîn Îsa, Girê Sipî û Minbicê di çarçoveya parastina mafê rewa de li hember êrişên dagirkeriya Tirk û çeteyên wê, çalakî li dar xistin.
Navenda Ragihandin û Çapemeniyê ya QSD’ê derbarê çalakiyê daxuyaniyek da.
Di daxuyaniyê de ev agahî hatin parvekirin:
“Di 15’ê Çileyê de, hêzên Meclisa Leşkerî ya Minbicê çalakiyek li dijî nuqteyeke çeteyên dagirkeriya Tirk li gundê Siyade yê bakurê Minbicê dar xist.
Di encamê de 4 çete hatin kuştin.
Li navçeya Eyn Îsayê jî, hêzên me 17’ê Çileyê bi çekên giran benda kontrolê û baregeha dagirkeriya Tirk li gundê Şirkirak li dar xist.
“Di rojekê de hêzên QSD’ê 5 çalakî li dijî dagirkeriyê li dar xist”
QSD’ê di daxuyaniyê de da zanîn ku di heman rojê de hêzên wan bi çekên giran baregeha dagirkeriya Tirk li gundê Tîna û mezrayekê li gundê Meliq ê bajarê Girê Spî kir hedef.
QSD’ê daxuyand ku di heman rojê de hêzên wan çalakiyek li dijî baregeha dewleta Tirk a dagirker a li gundê Selîbî yê rojavayê bajarê Girê Spî li dar xist.
Di encama her çar êrişan de 13 çete û 2 leşkerên dagirkeriyê hatin kuştin.
Navenda Ragihandinê ya QSD`ê eşkera kir ku di çarçoveya mafê parastina rewa de hêzê li dijî baregehên dewleta Tirk û çeteyên wê li herêmên cuda li dar xistine û di encamê de 17 çete û 2 leşkerîn dewleta Tirk a dagirker hatine kuştin pic.twitter.com/ibt8ghGLUU
— Ronahi tv (@tvronahi) January 21, 2024
