Navenda ragandin û çapemeniya YPJ’ê nasnameya hevrê ya xwe Nûdem Wan ku bi nexweşiya xwenariya mejî şehîd ketiye eşkere kir. YPJ’ê got hevrê Nûdem di nava refên YPJ’ê de bi sekna ye fedakar bû mînaka xeta mîlîtaniya APO’yî.
Navenda ragandin û çapemeniya YPJ’ê bi daxuyaniyekê nasnameya şehîdekî xwe eşkara kir.
YPJ’ê diyar kir ku heval Nûdem ev demek bû ji ber nexweşiyê dihate derman kirin, di dîroka 17’ê Çilleya 2024’an de li nexweşxaneya ku lê dihate derman kirin tevlî karwanên nemiran bû.
Daxuyaniya YPJ’ê de wiha bahsa têkoşîna Nûdem Wan hat kirin:
“Gelê me yê Bakûrê Kurdistanê li hemberî her cûre polîtîkayên înkar û îmhayê tu car serî netewandiye û herdem xeta berxwedanê esas girtiye.
Ev rastiya berxwedanê jinên wêrek yên weke Nûdem afirand.
Hevrê ya me Nûdem di sala 1991’an de li Bakurê Kurdistanê li bajarê Wanê çavê xwe li jiyanê vedike.
Hevrê Nûdem di nava malbatek welatparêz de mezin dibe.
Hevrê Nûdem di sala 2011’an de tevlî nava refên Tevgera Azadiya Kurdistanê dibe.
Bi destêpêkirina şoreşa Rojava re hevrê Nûdem berê xwe dide Rojavayê Kurdistanê.
Di sala 2012’an de li Serêkaniyê li hemberî komên çete yên weke El Nûsra şer kir û di eniyên herî pêş yên cengê de cihê xwe girt.
Di şerê van komikên çete de li Serêkaniyê birîndar dibe lê cardin ji eniyên cengê dûr nakeve.
Di sala 2018’an de jî li Efrînê vê carê li hemberî êrîşên dagirkeriya dewleta tirk şerê azadiyê da meşandin.
Hevrê Nûdem di nava refên YPJ’ê de bi sekna ye fedakar bû mînaka xeta mîlîtaniya APO’yî.”
YPJ’ê di dawiya daxuyaniya xwe ji malbat gelê kurd re sersaxî xwast û got:
“Heval Nûdem ev demek bû ji ber nexweşiyê dihate derman kirin, di dîroka 17’ê Çilleya 2024’an de ji ber nexweşiya xwenariya mejî jiyana xwe ji dest da û tevlî karwanên nemiran bû.
Em serî de ji bo malbata hêja ya hevrê Nûdem û gelê xwe yê welatparêziyê re sersaxiyê dixwazin.
Hevrê Nûdem ji bo me wê bibe sedema bilind kirin û geş kirina meşa azadiyê. ”
Li gorî daxuyaniyê nasnameya şehîd wiha ye;
Nasnav: Nûdem WAN
Nav û Paşnav: Sakîne Kaya
Navê dayîk: Helîme
Navê bav: Xalid
Cih û Dîroka Şehadetê: Qamişlo-17.01.2024
