Gerîla TV bi 70 deqeyî dîmenê Operasyona Şoreşgerî ya Şehîd Helmet Dêraluk weşand.
Di dîmen de tê dîtin, ku gerîla yek bi yek dikevin nava çeperên leşkeran û îmha dikin.
Di operasyonê de 61 dagirker hatin cezakirin, gerîla çûn ser 20 cenazeyan.
Gerîla TV dîmenê Operasyona Şoreşgerî ya Şehîd Helmet Dêraluk weşand ku 12’ê Çileyê li Qada Berxwedanê ya Girê Amediyê ya herêma Rojavayê Zapê ya Şehîd Delîl hate lidarxistin.
Navenda Ragihandin û Çapemeniyê ya HPG’ê têkildarî operasyona şoreşgerî ev agahî dabû:
61 dagirker hatin cezakirin, Gerîla çûn ser 20 cenazeyan
Di operasyona şoreşgerî de Gerîlayên Azadiyê yên Kurdistanê 61 leşkerên Tirk ceza kirin, gerîla çûn ser 20 cenazeyan.
Amûr û alavên hatin îmhakirin
Hêzên gerîla 6 qadên jiyanê yên dagirkeran, 3 konteynir, 11 çeper, 2 cihên lojîstîkê, cihekî cepxaneyê, pergaleke ragihandinê, jeneratorek, pergaleke radarê, kamereyeke mobesse ya normal, kamereyeke mobesse ya termalê, 2 çekên A4, 2 çekên bombeavêj ên bi zincîr ên mezin û 8 telefonên wan dan ber agir û îmha kirin.
Alavên hatin desteserkirin
7 çekên ferdî MPT-55, 250 guleyên çeka MPT-55, 4 çekên bombeavêj ên bi tambur, çekek bombeavêj a yekî, 2 çekên nîv otomatîk BKC, 9 durbên şevê û çekan hatin desteserkirin.
