Çalakiyên greva birçîbûnê ya li girtîgehên Bakurê Kurdistanê û Tirkiyê di roja 77’an de ye.
Girtiyên siyasî îro ji Nobetên Edaletê re name şandin.
Dîlgirtiyên azadiyê di nameyên xwe de banga bilindkirina têkoşînê kirin û gotin: “Em ê bi hêza xwe tecride bişkînin û jiyanê azad bikin.”
Girtiyên siyasî yên li girtîgehên bakurê Kurdistanê û Tirkiyê 77 roje ji bo azadiya fizîkî ya Rêber Apo û çareserkirina pirsgirêka kurd di greva birçîbûnê de ne.
Çalakiya greva birçîbûnê ya demkî û dorveger bi biryardariyeke mezin dewam e.
Hemwextî vê çalakiyên Nobeta Edaletê ku xizmên girtiyan li bajarên Bakurê Kurdistanê û Tirkiyê dane destpêkirin jî dewam dikin.
Di çalakiyên îro de, nameya hevpar a girtiyên siyasî şandî ji malbatan re hate xwendin.
Girtiyên Azadiyê: Rûmet û şerefa ku em ji we digirin bêdawî ye
Girtiyên siyasî ji bo dayikên di Nobeta Edaletê de name şandin û wiha gotin:
“Hûn ne tenê tekoşîn û berxwedanê dimeşînin, hûn bixwe bûne tekoşîn, bûne berxwedan. Em gelek şanaz û bextewar in ku em xwedî dayikên mîna wek we ne. Rûmet û şerefa ku em ji we digirin bêdawî ye.”
“Em ê bi hêza xwe tecride bişkînin û jiyanê azad bikin”
Her wiha girtiya di nameyên xwe de, bertek nîşanî komploya navneteweyî ya li dijî Rêber Apo dan.
Dîlgirtiyên azadiyê banga bilindkirina têkoşînê kirin û gotin:
“Em ê bi hêza xwe tecrîdê bişkînin û jiyanê azad bikin, em bawer dikin ku têkoşîna me ya hevpar a çiya, zindan û gel wê me bigihîne serketinê.
Bi wan hestan Komploya 15’ê Sibatê lenet dikin, bi hestên ji dil we silav dikin û careke din dibêjin ku serkeftin a me ye.”
