Îngilîstanê hewl dide penaberên derqanûnî bişîne Ruandayê.
Lê belê heya niha weke ew dixwazin pêk nehatiye.
Ji ber vê yekê penaberan tên binçavkirin û bi vî rengî dişînin Ruandayê.
Rêxistina mafên penaberan agahî parve kir ku pêkanînên binçavkirinê 29’ê Nîsanê dest pê kiriye.
Pêşnûmeqanûna şandina penaberên ku bi derqanûnî derbasî Îngîstanê bûne li Meclisa Avamê hat qebûlkirin.
Li gor vê pêşnûmeyê penaberan ji Ruandayê re bên şandin.
Rayedarên Îngilîstanê dest bi binçavkirina hin penaberan kirin ku bişînin Ruandayê.
Îngîlistan: Penaberên ji Ruandayê re bên şandin tên binçavkirin
Hikumeta Îngilîstanê di daxuyaniya xwe de diyar kir ku dê penaberan di nava 9 heta 11 hefteyan de bişînin Ruandayê.
Li gorî nûçeya Reutersê Serokwezîrê Îngilîstanê Rishi Sunak dixwaze geştên ewil ên ji bo Ruandayê ku beriya niha ji aliyê Dadgeha Mafên Mirovan a Ewropayê û Dadgeha Bilind a Îngilîstanê ve hatibûn rawestandin, di meha Tîrmehê de dest pê bikin.
Li gorî hejmarên fermî, di çar mehên destpêkê yên sala 2024’an de zêdetirî 7 hezar û 500 penaber ji Fransayê bi keştiyên biçûk hatine Îngilîstanê.
Li gorî hikumeta Partiya Muxafezekar a Îngîlîstanê, plana Ruanda ya mijara gotinê dikare mirovan ji ‘rêwîtiyek xeternak’ a li ser Behra Manşê dûr bixe.
Rêxistinên mafên mirovan bi tundî vê planê rexne dikin.
Rêxistina mafên penaberan agahî parve kir ku pêkanînên binçavkirinê 29’ê Nîsanê dest pê kiriye.
Ruanda: Penaberê ewil gihişt Ruandayê
Ji aliyê din ve di çarçoveya bernameya ku ji aliyê hikûmeta Îngilîstanê ve tê meşandin de, kesekî ku serlêdana wî ya penaberiyê bi ser neketibû, ‘bi dildarî’ şandin Ruandayê.
Li gorî nûçeyan, di çarçoveya bernameya ku meha borî hat ragihandin de, penaberên ku serlêdanên wan tên redkirin, ji bo biçin welatê Rojhilatê Afrîkayê heta 3 hezar lîreyan tê dayîn.
Ev pêkanînek cuda ye ji plana ku ev du sal in hikûmet hewl dide di parlamentoyê de derbas bike û dixwaze penaberan bi zorê bişîne Ruandayê.
Hikûmeta Ruandayê jî piştrast kir ku kesekî ku daxwaza penaberiya wî li Îngilîstanê bi serneketibû 30’ê Nîsanê bi balafirekî ji Londonê derbasî wî welatî bû.
