QSD’ê bi daxuyaniyekê encamên şer û berxwedana 24 saetên dawî ragihand.
QSD’ê diyarkir ku artêşa Tirk a dagirker û komên çeteyan tevgera xwe ya li ser rêya M4 a navnetewî zêde kirine.
Navenda Ragihandin û Çapemeniyê ya QSD bi daxuyaniyeke nivîskî encama êrîşên dewleta Tirk û berxwedana 24 saetên dawî ya li dijî van êrîşan eşkere kir.
QSD’ê di daxuyaniyê ev agahî parve kirin:
Li Eniya Til Temir artêşa dagirker û komên çete yên girêdayî wê li gundê Leylan hewl dan ku qadên nû dagir bikin û tevgera xwe li herêmê zêde kirin.
Li Eniya Eyn Îsa li herêma gundê Mesûdiyê, artêşa Tirk a dagirker û çeteyên wê êrîş birin li ser herêmên sîvîl.
Her wiha cebilxaneya artêşa Tirk a dagirker di hundirê depoya genim de teqiya û di encamê de gelek çete û leşkerên artêşa dagirker mirin.
Her wiha li Eniya Qiz Alî jî dewleta tirk a dagirker bi çekên giran û balafirên bê mirov ve êrîş bir ser gundên Kefîfa û Zenûba.
QSD’ê diyarkir ku di encama êrîşên artêşa Tirk a dagirker de şervanekî QSD’ê şehîd bûye û şervanek jî birîndar bûye.