Êdî bi lez û bez Refah ya Xezayê tê valekirin.
YE valekirin şermezar kir û ji Îsraîlê xwest li Refahê oparasyonek bejahî pêk neêne.
Di nava rewşek wiha de, jimara kesên li şerîda Xezayê hatine kuştin 35 hezar derbas kir.
Du qatê wê jî birîndar in.
Êrîşên Îsraîlê ya li Şerîda Xezayê di roja 218’an de jî berdewam kir.
Li gorî daneyên Wezareta Tenduristiyê ya Xezayê hejmara kesên ku di êrîşên Îsraîlê de mirine 35 hezarî derbas kir.
Hat diyarkirin ku ji 7’ê Cotmehê ve hejmara birîndaran jî derket 78 hezar û 755’an.
Nexweşxaneya Kuweytê ya li Refahê ya li ser sînorê Xezayê û Misrê ye, ragihand ku cenazeyên 18 kesên ku li Xezayê mirine anîne nexweşxaneyê.
Jimara kesên li Xezayê hatine kuştin 35 hezar derbas kir
Rayedaran diyar kirin ku îro di saetên sibê de li herêma Zeytûn a Xezayê pevçûnên dijwar rû didin.
Rayedarên tenduristiyê û şahidan ragihandin ku li Cibaliyê jî pevçûn derketine.
Berdevkê artêşa Îsraîlê Danîel Hagarî roja şemiyê di daxuyaniyekê de got:
“Me hewlên Hamasê yên ji bo ji nû ve avakirina kapasîteya xwe ya leşkerî li Cibaliyê di hefteyên dawî de tesbît kir û ji bo têkbirina van hewldanan em tevdigerin.”
Hegarî diyar kir ku li Taxa Zeytûna Xezayê operasyon dewam dike.
Li Sêr El Belahê 2 bijîşk hatin kuştin
Her wiha Saziya Parastina Sivîl li Şerîda Xezayê îro ragihand ku di encama êrişa hewayî ya Îsraîlê li ser bajarê Dêr El-Belah ku dikeve navenda Şerîda Xezayê 2 bijîşk jiyana xwe ji dest dane.
Mirina her du bijîşkan dema ku êrîşên Îsraîlê li başûrê Refahê berdewam dikir û artêşê li şêniyên taxê ya rojhilatê bajêr dijîn banga valakirina heremê dikir pêk hat.
YE VALAKIRINA REFAHÊ JI SIVÎLAN ŞERMEZAR KIR
Her wiha Nûnerê Bilind ê Karûbarên Derve û Polîtîkayên Ewlekariyê yê Yekîtiya Ewropayê Josep Borrell di daxuyaniya xwe ya li ser platforma “X”ê da diyar kir ku “Îsraîl li gor hiqûqa navneteweyî mecbûr e parastina sivîlan bike.
Josep Borrell got:
“Em bang li Îsraîlê dikin ku nekeve operasyoneke bejahî ya ku dê krîza mirovî ku ji xwe heye li Refahê xerabtir bike.”
Guterres: Agirbest wê tenê destpêk be
Li aliyê din ji ber bîlançoya windahiyan di şer û pevçûnan de giran dibe Neteweyên Yekbûyî banga agirbestekî mayînde kir.
Sekreterê Giştî yê Neteweyên Yekbûyî Antonio Guterres banga agirbesteke mirovî ya lezgîn, serbestberdana hemû dîl û zêdekirina alîkariyên mirovî yên ji bo Şerîda Xezayê kir.
Guterresê ku beşdarî konferansa xêrxwazan a ku li Kuweytê hat lidarxistin bû diyar kir ku avakirina agirbestê “wê tenê destpêk be” û wiha got:
“Ji bo xilasbûna wêraniya ku ji ber vî şerî derketiye wê rêyeke dirêj be.”
