Ji bo Meclisa Jinan a PYD’ê ya Efrîn-Şehba 3 endam hatin hilbijartin

Meclisa Jinan a Partiya Yekitiya Demokratîk (PYD) ya kantona Efrîn-Şehbayê di konferansa xwe ya yekemîn de 3 endam ji bo Meclisa xwe hilbijartin.

Meclisa Jinan a PYD’ê konferansa xwe ya yekemîn bi dirûşma “Bi rêxistinkirina jinan û civakê em azadiya fîzîkî ya Rêbertî misoger dikin” li hola Mîtan a navçeya Ehdas li dar xist.

Di konferansê de endamên meclisan û yên Meclisa Jinan a PYD’ê beşdar bûn.

Rêvebera Meclisa Jinan a PYD’ê ya Efrîn-Şehbayê Velantîna Ebdo axivî û got:

“Ruxmî hemû astengiyan em vê konferansê li dar dixin.

Bi îradeya xwe em ê tevahî planên dijmin têk bibin. Em ê li gorî fikir û felsefeya Rêber Abdullah Ocalan xebata xwe fireh bikin.”

Piştî axaftinan beşdaran li ser rapora salê û plansaziya meclisê ya bê nîqaş kir.

Di dawiya konferansê de Zeyneb Hesen, Yildiz Mûsa û Wehîde Xelîl.

Ji bo Meclisa Jinan a PYD’ê hatin hilbijartin.

Back to top button