Ji ber barana zêde ya ku ev demeke li gelek deverên Efxanîstanê bariya, bû sedema mirina bi sedan kesî.
Hejmara kesên di lehiya ku ji serê mehê vir ve pêk hat de jiyana xwe ji dest dan derket 420’an.
Li gorî daneyên Rêxistina Tenduristiyê ya Cîhanê (WHO) li welatê ku ev demeke felaketa domdar heye bi hezaran kes bê mal man.
Li Afganîstana ku bi dehan sal e bûye qada krîz û şeran, ji ber barana ku ji serê mehê vir ve bi bandor e, xisara hewayê girantir dibe.
Di daxuyaniyê de hat ragihandin ku di lehiya ku li eyaleta Gihor a li navenda Afganîstanê diqewime herî kêm 50 kes mirin.
Hat ragihandin ku tenê li Feros-Koh a paytexta Gihorê 2 hezar xanî bi temamî hilweşiyane û 4 hezar avahî jî zirar dîtine.
Hat ragihandin ku li Faryabê ji ber barana zêde lehî rabû herî kêm 47 kesan jiyana xwe ji dest dan.
Hikûmeta Herêma Faryabê ragihand ku di wê karesatê de herî kêm 300 xanî û bi sedan dikan zirar dîtine û 200 hektar zeviyên çandiniyê yan bi temamî wêran bûne yan jî ziyan dîtine.
Bi vî awayî hejmara kesên di lehiya dawî de jiyana xwe ji dest dan gihişt 100’î.
Hefteyek berê barîna baranê bandor li bakurê welêt kir û li gor zanyariyên ku ji aliyê rayedarên fermî ve hatin dayîn, di karesata lehiyê ya li wê herêmê de herî kêm 315 kesan jiyana xwe ji dest dan û herî kêm hezar û 600 kes jî birîndar bûn.
WHO: Li Efxanîstanê bi hezaran kes bê mal man
Li gorî daneyên Rêxistina Tenduristiyê ya Cîhanê (WHO) li welatê ku ev demeke felaketa domdar heye bi hezaran kes bê mal man.
Neteweyên Yekbûyî jî Afganîstanê weke yek ji welatên ku herî zêde bandoreke neyînî ji guherîna avhewayê dike, dinirxîne.
Alîkariya geşepêdan û jinûve-avakirinê ya navneteweyî ya ji bo Afganîstanê, ji wê demê ve pir kêm bûye.
Afganîstana ku bi salan e bûye qada şer û qeyranan, ji bo bûyerên hewayê yên giran û felaketan ne amade ye.
Li gorî pêşbîniya pisporan, Afganîstan yek ji wan welatan e ku herî zêde wê lehî û ziwabûnê bibîne.
Li Afganîstanê bi felaketên nû yên ku di dawiya hefteyê de rû dan, ji serê meha Gulanê û vir ve jimara miriyan gihişt 420’an.
Ev dane li gorî daxuyaniyên rêveberiyên herêmî yên li herêma bakur a ku hefteya borî karesat lê qewimî û li navenda Afganîstanê ya ku lêhiya nû lê pêk hat.
