Hikumeta Brîtanyayê bo Ukraynayê 100 moşekên parastina hewayî bişîne.
Wezîrê Parastinê yê Brîtanya Grant Shapps destnîşan kir ku Brîtanyayê ji destpêka Gulanê ve 80 mûşekên berevaniya esmanî veguhestine Kîevê û divê 20 mûşekên din jî di destpêka Hezîranê de bigihêjin.
Her wiha li gorî encamên anketa ku di meha Nîsanê de li ser girtiyan hat kirin, li Ûkraynayê 4 hezar û 500 girtî dê razî bibin ku di berdêla serbestberdana bi şert de biçin eniyê, eger qanûn were qebûlkirin.
Hikumeta Brîtanyayê bo Ukraynayê 100 moşekên parastina hewayî bişîne.
Wezîrê Parastinê yê Brîtanya Grant Shapps diyar kir ku alîkariya hikûmeta Brîtanya bo Ukraynayê dê di sala 2024’an de 3 milyar lîre be.
Wezîrê Brîtanî ji The Sun re anî ziman ku eger dîktatorê rûsî Vladimir Putin di şerê li dijî Ukraynayê de bi ser bikeve”her tiştê ku ji bo cîhana rojavayî girîng û bi qîmet e” dê bikeve metirsiyê.
Di çarçoveya êrîşa Rûsyayê ya li ser herêma Xarkîvê de, Shapps bang li hevalbendan kir ku ji bo pêşkêşkirina alîkariya leşkerî ji Ukraynayê re hewl bidin.
Her wiha, Shapps destnîşan kir ku Brîtanyayê ji destpêka Gulanê ve 80 mûşekên berevaniya esmanî veguhestine Kîevê û divê 20 mûşekên din jî di destpêka Hezîranê de bigihêjin.
Grant Shapps eşkere kir ku welatê wî herwiha bêtirî milyonek cebilxane, 20 wesayîtên zirxî yên Viking, alavên li dijî mayînan û kincên serbazî şandin.
Li Ukraynayê 4 hezar û 500 girtî di berdêla berdanê de biçin şer
Her wiha li gorî encamên anketa ku di meha Nîsanê de li ser girtiyan hat kirin, li Ûkraynayê 4 hezar û 500 girtî dê razî bibin ku di berdêla serbestberdana bi şert de biçin eniyê, eger qanûn were qebûlkirin.
Li gorî Alîkara Wezîra Dadê Olena Vîsotska, di meha Nîsanê de di nav girtiyan de anketek hatiye kirin.
Vîsotska da zanîn ku wan li gorî hin xalên Qanûna Cezayê ku di çarçoveya seferberiyê de ne bi girtiyan re hevdîtin pêk neaniye.
Li gorî Wezareta Dadê, ji 15’ê Gulana 2024’an vir ve 27 hezar û 471 mehkûm di girtîgehên Ukraynayê de hebûn, di nav wan de hezar û 538 jin hene.
Alîkara Wezîra Dadê destnîşan kir ku ji bo ku ev yek bi temamî bi awayekî qanûnî bimeşe divê rêzikname bên derxistin.
Li gor wê qanûn dê di nava çend hefteyan de bi temamî were cîbicîkirin.
Rûsya: Bidawîbûna wezîfeya Zelenskiy dê bandorê operasyonan neke
Li aliyê din berdevkê Kremlînê Dmitriy Peskov diyar kir ku bidawîbûna dema wezîfeya Serokê Ukraynayê Volodymyr Zelenskiy dê bandorê li “operasyona leşkerî ya taybet” neke.
Peskov li ser mijarên rojane yên li paytext Moskowayê daxuyanî da rojnamevanan.
Peskov amaje bi wê yekê jî kir ku artêşa Ukraynayê êrîş biriye ser hin bajarên Rûsyayê û diyar kir ku ji ber vê sedemê artêşa Rûsyayê avakirina herêmeke ewlehiyê li Ukraynayê didomîne.
Hilbijartina serokomariyê ku diviyabû di 31’ê Adarê de bihata kirin, ji ber berdewamiya rewşa leşkerî ya ku di 24’ê Sibata 2022’yan de hatibû ragihandin, piştî destpêkirina şerê bi Rûsyayê re hatibû betalkirin.
