Li Swîsre Lûtkeya Aştiyê ya Ukraynayê pêk hat.
Di Lûtkeyê de, tevî welatên nehatine vexwendin jî 93 welatan beşdarbûn pêk hat.
Di encama lûtkeyê de hate ragihandin ku ji bo dawîkirina şer divê Kîev bi Moskowê re bikeve nava danûstandinan.
Encamnameya danazana Lutkeya Aştiyê ya Ukrayna ya li Swîsreyê eşkere bû.
Ji 93 welatên beşdar, 80 welatan îmzeya xwe li binê encamnameyê danîn.
Hindistan, Brezîlya, Erebîstana Siûdî û Îmarat jî di nav de 13 welatan deklerasyon îmze nekirin.Lûtkeya Aştiyê 13’ê Hezîranê despê kiribû.
Ji bo lûtkeyê Rûsyaya ku yek ji aliy êşere nehatibû vexwedin.
Encama Lutkeya Ukrayna: Divê bi Rûysra re danûstandin pêk bên
Di daxuyaniyê de hat gotin,
“Em di wê baweriyê de ne ku pêkanîna aştiyê bi tevlîbûna hemû aliyan a pêvajoyê û misogerkirina diyaloga navbera aliyan ve girêdayî ye.”
Serokwezîrê Almanyayê Olaf Scholz jî nêrîna xwe anî ziman ku divê Rûsya jî ji bo konferansên pêşerojê bê vexwendin.
Li aliyê din Çîn jî beşdarî lûtkeyê nebû.
Aliyan teqezî li ser giringiya nehiştina şer ji veguhertina karesateke nukleerî (navokî) kirin.
80 dewletan bang kirin ku Ukrayna bi tevahî kontrola santrala nukleerî ya Zeporijiya bixe destê xwe.
Rûsya li eniyê bi pêş ve diçe
Serokê Rûsyayê Vladimir Putin di daxuyaniya xwe ya roja Îniyê de şert û mercên xwe yên aştiyê eşkere kiribû.
Putin ragihandibû ku eger Ukrayna dev ji 4 herêmên di bin kontrola Rûsyayê de berde û planên xwe yên tevlî NATOyê bi tevahî berde, ew ê leşkerên xwe vekişîne.
Zelensky: Leşkerên Rûsya kengê ji xaka Ukrayna vekişin em ê danûstandinê bikin
Serokomarê Ukraynayê Volodymyr Zelensky di daxuyaniya xwe ya piştî lûtkeyê de wiha got:
Şert û mercên me yên ji bo destpêkirina hevdîtinên aştiyê yên bi Rûsyayê re, vekişîna leşkerên wê ji xaka Ukraynayê ye.
Ji aliyê din ve hêzên Rûsyayê li Ukraynayê pêşveçûnên xwe didomînin.
Moskow roja Yekşemê ragihand ku wan gundekî din li başûrê Ukraynayê girtiye.
Kremlîn ji pêşdeçûna leşkerên xwe yên li eniyên şer razî ye
Berdevkê Kremlînê Dmitriy Peskov di daxuyaniya xwe ya roja Yekşemê ya ku lûtkeya Swîsreyê bi dawî bû got,
“Dînamîkên heyî yên rewşa eniyê bi zelalî nîşanî me dide ku rewş li hemberî Ukrayniyan hatiye guhertin.”
