Artêşa Tirk a dagirker îdia kir ku wan li herêma Geverê 3 gerîlayên HPG dîlgirtine û yek jî şehîd xistine.
Têkîldarî vê îdiayê ji HPG’ê daxuyaniyek hat.
HPG’ê diyar kir ev îdiayên Tirkiyê ne-rastin û got: “Di operasyonên li herêma Geverê de, tu hevalên me şehîd nebûne û dîl neketine destê dijmin.”
Li rex van derewan, gerîlayan li Zapê li dagirkeran dan 4 leşkerên Tirk hatin cezakirin.
Gerîlayên azadiya Kurdistanê ku li dijî dagirkeriya Tirkiyê ya li ser xaka Başûrê Kurdistanê qehremaniyekî mezin dimeşînin û canê xwe kirine mertal derbeke din li dagirkeran dan.
Gerîlayên HPG’ê û YJA Starê 4 leşkerên Tirk ên dagirker cezakirin.
Navenda Ragihandin û Çapemeniyê ya HPG’ê têkildarî çalakiyên gerîla û êrişên artêşa Tirk a dagirker daxuyaniyek parvekir.
HPG: Îdiayên Tirkiyê yên şehîdxistin û dîlgirtina gerîla li herêma Geverê neraste
Her wiha HPG’ê îdiayên nerast ên artêşa Tirkiyê ku dibêjin li herêma Geverê 3 gerîla dîlgirtine û gerîlayek şehîd kirine derewand.
Têkîldarî îdiayên nerast, HPG’ê ev agahî parvekir:
“30’ê Hezîranê û 2’ê Tîrmehê artêşa Tirk a dagirker li qadên cuda yên herêma Geverê operasyonên berfireh lidarxist.
Ev operasyon ji aliyê hêzên me ve vale hatin derxistin û dagirkeran nekarîn tu encamê bi dest bixin.
Artêşa Tirk a dagirker jî agahiyên bi rengê ku 3 gerîla dîlgirtine û gerîlayek jî şehîd bûye, belav dike.
Ev agahî û îdiayên Tirkiyê bi temamî derew in.
Di operasyonên li van herêman de tu hevalên me şehîd nebûne û dîl neketine destê dijmin.”
Li Zapê 4 leşker hatin cezakirin, derbe li helîkopterekê hate xistin
Li aliyê din HPG’ê ragihand ku gerîlayan li herêma Rojavayê Zapê 4 dagirker ceza kirin û bi berferehî ev tişt hate gotin:
Herêma Rojavayê Zapê ya Şehîd Delîl;
5’ê Tîrmehê gerîlayan bi çekên giran li wesayîta zirxî ya dagirkerên li Qada Berxwedanê ya Sergelê xistin.
Di encamê de wesayîta zirxî hate bêkêrkirin û 3 dagirker hatin cezakirin.
Di heman demê de bi çekên giran û taktîka sekvaniyê li dagirkerên li Qada Berxwedanê ya Girê Amediyê hate xistin.
Li wir jî dagirkerek hate cezakirin.
HPG’ê ragihand ku gerîlayan şeva 5’ê Tîrmehê jî li Girê Bahar derbeyeke giran li helîkoptera Skorsky dan e.
Piştî wê jî helîkoptera ku derb xwar neçar meye paşde vekişe.
Dagirkeran 11 caran qadên gerîla bombebaran kirin
Li ser êriş û bombebaranên dagirkeriyê jî, HPG’ê ragihand ku di nava 4 rojên dawî de herêma Xakurkê, Garê û Metînayê bi giştî 11 caran bi balafirên şer hatin bombebarankirin.
Dagirkeran qadên gerîla bi helîkopterên êrişê jî bombebarankirin.
